Şaşiyek çêbû. Tika ye paşê dîsa hewl bide.
Colemêrg (Rûdaw) - Li navçeya Geverê ya parêzgeha Colemêrgê ya Bakurê Kurdistanê balafireke rêwiyan ji pîstê derket.
Balafira bi hejmara VF4316an a ku Enqereyê çûye Geverê dema danînê ji pîstê derket.
Hat ragihandin ku rewşa tenduristiyê ya rêwiyan baş e.
Hat zanîn ku balafir saet 11:30î ji Balafirgeha Esenbogayê ya Enqereyê rabûye û li Balafirgeha Selahattîn Eyubiyê ya Geverê daniye.
Lê dema danînê ji pîstê derketiye.
Ji bo balafir li pîstê bê vegerandin û rêwî jê werin derxistin xebat didomin.
Hat zanîn ku balafir a şirketa AJetê ye.
“Mirî û birîndar nînin”
Serokê Şaredariya Bajêrgeyê Dirbaz Buyusuyê ku di nav rêwiyên balafirê de bû li ser bûyerê got:
“Spas ji Xwedê re mirî û birîndar nînin. Xweda me ji ya xerabtir biparêze.”
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse