Hewlêr (Rûdaw) - Li gor amarên TUIKê sala 2022yan li parêzgeha Rihayê ya Bakurê Kurdistanê milyonek û 276 hezar û 97 kesan çûne serdana muzexane û şûnwarên dîrokî.
Saziya Amaran a Tirkiyê (TUIK) amarên Mîrata Çandî yên sala 2022yan eşkere kirin.
Li gor amaran li tevahiya Tirkiye û Bakurê Kurdistanê 552 muzexane hene ku 211 ji wan ser bi Wezareta Çand û Geştyariyê ya Tirkiyeyê ne û 341 taybet in.
Herwiha 144 şûnwarên dîrokî jî hene.
Parêzgeha Rihayê jî bi şûnwarên weke Girê Miraza, Girê Keçlê, Newala Çorî û muzexaneyên ku bi hezaran berhem tê de hene bala geştyaran dikşîne.
Li Rihayê muzexaneyeke mezin a ser bi Wezareta Çand û Geştyariyê ya Tirkiyeyê û du muzexaneyên taybet hene.
Li Rihayê sala 2022yan milyonek û 276 hezar û 97 kesan serdana muzexane û şûnwarên dîrokî kirine.
Riha bi vê hejmarê li ser asta Tirkiye û Bakurê Kurdistanê piştî parêzgehên Enqere, Antalya, Denizli, Stenbol, Îzmîr, Konya û Nevşehirê di rêza 8emîn de cîh digre.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse