Hewlêr (Rûdaw) - Saziya Keşnasiyê ya Tirkiyeyê, îro ji bo bajarên Semsûr, Riha, Dîlok, Mereş, Amed, Xarpêt, Meletî, Dêrsim, Çewlîg, Êlih, Mêrdîn, Şirnex, Colemêrg, Erzirom, Qers û Wanê hişyariya baran û şiliyê da.
Li Bakurê Kurdistanê barîna berf û baranê berdewam dike.
Li gorî Saziya Keşnasiyê, germahî di navbera 3-6 pileyan de dadikeve.
Saziya Keşnasiyê ji bo bajarên Semsûr, Riha, Dîlok, Mereş, Amed, Xarpêt, Meletî, Dêrsim, Çewlîg, Êlih, Mêrdîn, Şirnex û Colemêrgê di asta zer de hişyariya baran û şiliyê da.
Li gorî Saziya Keşnasiyê, îro li parêzgehên Semsûr, Riha, Dîlok, Amed, Xarpêt, Meletî, Çewlîg, Êlih û Mêrdînê barana gur dibare.
Li Şirnex, Colemêrg, Dêrsim, Mereş, Erzirom, Qers û Wanê jî baran û berf bi hev re dibarin.
Li herêmê hêza ba di navbera 40-60 kîlometreyî de ye û ji welatiyan hatiye xwestin ku tedbîrên pêwîst wergirin.
Herwiha ji bo herêmên bilind jî hişyariya aşûtê hatiye dayîn.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse