Îro li piraniya Bakurê Kurdistanê barana gur dibare: 'Hişyar bin!'

Hewlêr (Rûdaw) - Saziya Keşnasiyê ya Tirkiyeyê ragihand ku îro dê li piraniya bajarên Bakurê Kurdistanê barana gur bibare.

Li gorî Saziya Keşnasiyê ya Tirkiyê ji bilî Sêrt, Êlih, Riha, Wan, Colemêrg û Şirnexê li hemû parêzgehên Bakurê Kurdistanê barana gur dibare.

Bi taybetî tê çaverêkirin li herêma Erzirom-Mûşê baran zêde bibare û herwiha qeşa jî çêbibe.

Saziya Keşnasiyê ji welatiyan xwest ku ji bo egera lehiyê û pirsgirêkên trafîkê hişyar bin û tedbîrên pêwîst wergirin.

Bi destpêkirina şiliyê re li Bakurê Kurdistanê pileya germê 4-5 pileyan dadikeve û hewa sar dibe.

Li Erziromê bi roj 5 pile, li Colemêrgê 11, li Meletiyê 6, li Wanê 11, li Amedê 14, li Dîlokê 16, li Mêrdînê 17 û li Sêrtê 17 pile ye.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger