Hewlêr (Rûdaw) - Berdevkê Talîban Zebîhullah Mucahîd got “Amerîka piştî dagirikirina 20 salan ziyaneke mezin da Efxanistanê û di dawiyê de biryar da ku bi me re lihev bike.”
Berdevkê Talîban Zebîhullah Mucahîd bi riya telefonê beşdarî bultena Rûdawê bû û di derbarê geşedanên dawîn ên li Efxanistanê ku cîhan bi baldarî lê temaşe dike de nirxand.
Zebîhullah Mucahîd ji Rûdawê got “Em ê nehêlin ku axa Afganistanê li dijî welatên din were bikaranîn. Efxanistan ji bo welatên din nabe metirsî”
Zebîhullah diyar kir ku wan di nav 7 rojan de 13 wîlayetên Efxanistanê rizgar kirine û xelkê Efxnistanê rêveberiya “Talîban” dixwaze.
Herwiha Mucahîd dibêje “Em dixwazin li Efxanistanê hikûmeteke li ser bingeha şerîeta îslamî ava bikin.”
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse