Hewlêr (Rûdaw) - Wezareta Parastinê ya Tirkiyeyê ragihand ku leşkerekî wan ê birîndar miriye.
Li gorî daxuyaniya Wezareta Parastinê ya Tirkiyeyê, ev leşker 21ê Tîrmehê di “Operasyona Pence-Kilîdê” de birîndar bûbû.
Wezaretê da zanîn ku navê leşkerê ku miriye Ege Suleyman Gorece ye û ew xelkê parêzgeha Manîsayê ya Tirkiyeyê ye.
Wezareta Parastinê ya Tirkiyeyê, doh jî kuştina 6 leşkerên xwe ragihandibû.
“Operasyona Pence-Kilîdê”
Artêşa Tirkiyeyê roja 17ê Nîsana 2022an li deverên Zap, Avaşîn û Metînayê yên nav axa başûrê Kurdistanê bi hinceta gerîlayên PKKyê dest bi “Operasyona Pence-Kilîdê” kir û ew êriş heta niha jî berdewam dike.
“Operasyona Pence-Kilîdê” deverên Metîna, Zap û Avaşîn-Basyanê yên di nav axa Herêma Kurdistanê de li xwe digire.
Ji wê demê ve li wan deverên şerê di navbera gerîlayên PKKyê û artêşa Tirkiyeyê de berdewam e.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse