Li Til Temirê 20 dibistan ji ber topbaranan wêran bûne

Hewlêr (Rûdaw) – Li bajarokê Til Temirê yê parêzgeha Hesekê di encama êrîş û topbaranên Tirkiyeyê de çend dibistan wêran bûne.

Berpirsê Dibistanên Til Temirê Xidir Ilêwî ragihand ku li wî bajarokê Rojavayê Kurdistanê ji ber êrîş û topbaranên Tirkiyeyê 20 dibistan wêran bûne.

Xidir Ilêwî her wiha da zanîn ku 3 hezar xwendekar li wan dibistanan hene lê ji ber ku dibistan têk çûne ew bê xwendin mane.

Berpirsê Dibistanên Til Temirê Xidir got jî ji ber êrişên Tirkiyeyê gelek dibistanên din tijî koçber bûne û xwendin li wan deran hatiye sekinandin.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger