Hewlêr (Rûdaw) - Gundê Sersevanê yê navçeya Pîranê ya parêzgeha Amedê ku ji 80 malan pêk tê 21 roj in bê elektrîk e.
Elektrîka wan ji aliyê DEDAŞê ve hatiye birîn û ji ber nebûna elektrîkê ava wan jî nîne.
Xelkê gund dibêje Kompanyaya Dabeşkirina Elektrîkê ya Dîcleyê (DEDAŞ) berî 21 rojan trafoya elektrîka gund hilkişandiye û biriye.
Ji wê demê ve gund bê elektrîke û derbarê sedema birîna elektrîkê de jî tiştek ji wan re nehatiye gotin.
Parlementera HEDEPê ya Amedê Adalet Kaya çû wî gundî û guhdariya giliyên gundiyan kir û tevî gundiyan daxuyaniyek da û ragihand:
“Wan trafoya gund jêkiriye û biriye. Zarok hene, nexweş hene.
Gundî nizanin wan ji ber çi trafo biriye. Ji ber ku ne deyndar in û elektrîka qaçax jî nekişandine.”
Adalet Kaya xwest ku DEDAŞ derbarê vê yekê de daxuyaniyekê bide û di demeke kurt de elektrîkê bide wî gundî.
Xelkê gund dibêje trafoya wan jî neşewitiye û, ew nizanin DEDAŞê ji ber çi ev kar kiriye û elektrîka wan biriye.
Herwiha dibêjin wan serî li cihên pêwendîdar daye lê kesekî pirsgirêka wan çareser nekiriye û ew daxwaz dikin pirsgirêka wan were çareserkirin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse