Li Kerkûkê êriş: Kuştî û birîndar hene

Hewlêr (Rûdaw) – Du motorsiwaran li navenda Kerkûkê li nêzîkî Qada Karkeran gule li polîsan reşandin.

Li gorî agahiyên ku nûçegihanê Rûdawê Herdî Mihemed dane, polîsek hatiye kuştin û yek hatiye birîndarkirin.

Herdî Mihemed da zanîn ku êrişê li Bazara Mezadzaneyê ya Kevin rû daye û êrişkar reviyane.

Hêzên ewlehiyê li dûv wan çûne û piştî ku cihê wan hatiye tesbîtkirin yek ji wan hatiye kuştin û yek jî bi birîndarî hatiye girtin.

Herdî Mihemed diyar kir, navê polîsê ku hatiye kuştin Geylan Adil e û navê polîsê birîndar jî Elî Erkan e.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger