Hewlêr (Rûdaw) - Li parêzgeha Wanê ya Bakurê Kurdistanê agir bi Bazara Mezin a Rûsan ket ku hejmareke zêde ya kargehan li xwe digire û hewl tê dayîn agir bê vemirandin.
Li Cadeya Nexweşxanê ya navçeya Rêya Hevrîşimê ser bi parêzgeha Wanê îro Duşemê 3ê Nîsana 2023an ji ber sedemeke nehatiye diyarkirin agir bi Bazara Mezin a Rûsan ketiye û agir berdewam e.
Li ser agahdarkirinê tîmên agirvemirandinê çûne cihê bûyerê û bi hevkariya xwediyên kargeh û welatiyan hewl tê dayîn agir bê vemirandin.
Hêzên polîs jî li derdora cihê bûyerê tedbîrên ewlekariyê wergirtine.
Li Bazara Mezin a Rûsan a li bajarê Wanê ku gelek cihên kar lê hene, îro şewat derket pic.twitter.com/r0qhV94s1Q
— RudawKurdi (@RudawKurdi) April 3, 2023
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse