Hewlêr (Rûdaw) - Gulistan Kiliç Koçyîgîtê ragihand ku îlankirina agirbestê ya PKKyê cihê dilxweşiyê ye û di qonaxa nû de divê gavên bilez ji bo demokratîkbûnê bên avêtin û parlamentoyê berpirsyariyê hilgire.
Rêberê PKKyê Abdullah Ocalan 27ê Sibatê xwestibû ku PKK fesix bike û çekan deyne.
Her wiha Komîteya Birêvebir a PKKyê jî li ser banga Ocalan daxuyaniyek belav kir agirbest ragihand.
Serokwekîla Koma DEM Partiyê Gulistan Kiliç Koçyîgît Halk TVyê re banga Abdullah Ocalan û biryara Komîteya Birêvebir a PKKyê nirxandin.
Koçyîgîtê got, "Di 21-22yê Kanûna Paşîn a 2025an de li Stenbolê, şandeya me ya ku peyama Birêz Ocalan xwend, anku xwedî ev peyam bi xwe xwedî taybetmendiyeke dîrokî bû.
Me gotibû peyama sedsal Îro ji aliyê PKKyê ve bersiveke dîrokî hat dayîn ji bo wê banga dîrokî.
Bi wê wateyê daxuyaniya ku radigihîne ku bi temamî piştgiriyê didin naveroka bangê û dê ya pêwîst bikin, bi rastî jî gelekî girîng e. Divê em vê yekê destnîşan bikin."
Her wiha gava yekem a vê yekê jî îlankirina agirbestê, îlankirina agirbestê ya yek alî, daxuyankirina wan a ji raya giştî re ku dê ji bilî berxwedana rewa ti tiştekî din nekin, jî nîşaneya eşkere û zelal a ku dê bi lez vê gavê pratîze bikin. Bi vê wateyê ev gelekî cihê dilxweşiyê ye.
Hin fikar, pirsên bê bersiv û carinan jî hin nîqaşên cuda digotin gelo PKK dê çi bêje, dê li Ocalan guhdarî bike an na?
Ez bi rastî difikirim ku ev daxuyanî gelekî girîng e ji aliyê bidawîanîn van nîqaşan ve.
Ji ber ku dibêjin çi pêwîst be em amade ne bikin û her wiha destnîşan kir ku divê birêz Ocalan bi xwe berpirsyariya ragihandinê, lidarxistina kongreyê û hilweşandina rêxistinê di warê meşandina vê pêvajoyê de bigire ser milê xwe û vê pêvajoyê bimeşîne.
Ev jî bal dikişîne ser mijara tecrîdê ya ku em bipeyivin û nîqaş dikin, an jî afirandina mercên meşandina pêvajoyê, mercên tenduristî, ewlehî û azadiyê. Anku, peyamên ku min cara yekem ji bangê dîtin û girîng dîtin, bi rastî ev in."
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse