Hewlêr (Rûdaw) - Konfederasyona Sendîkayên Karkerên Şoreşger yê Tirkiyê (DISK) pêşniyara xwe ya mûçeya kêmane yê sala 2022an wek 5 hezar û 200 Lîreyê Tirkî eşkere kir.
Konfederasyona Sendîkayên Karkerên Şoreşger yê Tirkiyê (DISK) derbarê pêşniyara mûçeya kêmane yê sala 2022an daxuyaniyek da.
Seroka Giştî ya Desteya Rêvebirina DISKê Arzu Çerkezoglu di civînê de bo mûçeya kêmane yê 2022an peşniyara xwe wek 5 hezar û 200 lîreyê Tirkî eşkere kir û daxwaz kir ku mûçeyê malnişînan yê herî kêm jî bibe wek mûçeya kêmane.
Seroka Giştî ya Desteya Rêvebirina DISKê Arzu Çerkezoglu amaje bi wê yekê daku di mijara diyarkirina mûçeya kêmane de helwesteke hevbeş ya rêxistinên kedê girînge û got: “Em dizanin ku bi polîtîkayên hevpar têkoşînkirina bo mûçeya kêmane gelekî girînge. Di vê çarçovê de em careke din eşkere dikin ku em piştevaniya polîtîkayên DISK, TURK-IŞ û HAK-IŞ yên salên borî ku derbarî mûçeya kêmane de dikin. Em bawerdikin dê îsal jî hebûna helwesteke hevbeş bi fêde be.
Ev demeke zêdebûna mûçeyê kêmane di rojeva Tirkiyê de ye û ligel sendîka û rêxistinên sivîl partiyên sîyasî jî di vê mijarê de pêşniyarên xwe pêşkêşî raya giştî dikin.
Parlamenter û Serokwekîlê Giştî yê AK Partiyê Numan Kurtulmuş derbarê zêdekirina mûçeya kêmane de diyar kir ku heqe zêdebûneke li ser rêjeya enflasyonê bê kirin û got berpirsiyariyeke me ya girînge ew e ku em mûçeya kêmane bînin asteke ku welatiyên me bikaribin bi vî mûçeyê bijîn.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse