رووداو دیجیتاڵ
دوای دیبەیتی سەرۆکایەتی، هاوژینی کامالا هاریس ستایشی کرد و پێی گوت: "تۆ بردتەوە." ئەو هەروەها رایگەیاند: "دەبێت ئەو وزەیە تاوەکو 55 رۆژی دیکە هەڵبگرین بۆ ئەوەی کامالا ببێتە سەرۆکی داهاتوو."
رۆژی چوارشەممە، 11-09-2024 دەگ ئێمهۆف، هاوژینی کامالا هاریس، بەربژێری دیموکراتەکان بۆ هەڵبژاردنی سەرۆکی ئەمریکا، راستەوخۆ لە شاری فیلادێلفیا بینەری دیبەیتی نێوان هاوژینەکەی و دۆناڵد ترەمپ بوو. دوای تەواوبوونی دیبەیتەکە دەگ لەگەڵ هاریس لە دەرەوەی هۆڵەکە یەکدییان بینی و بە هاریسی گوت: "تۆ دیبەیتەکەت بردەوە. هێشتا هیچمان نەبردووەتەوە، پێویستە ئەم وزەیە لەگەڵ خۆمان هەڵبگرین و بە هەموو خەڵکی پیشان بدەین، لەوانەش دۆناڵد ترەمپ کە هاریس چ جۆرە سەرکردەیەکە."
ئەمڕۆ دووەم دیبەیتی سەرۆکایەتیی ئەمریکا لە 2024 بەڕێوەچوو. یەکەم دیبەیت لە کۆتاییەکانی مانگی حوزەیران لە نێوان ترەمپ و جۆ بایدن، سەرۆکی ئەمریکادا کرا. دوای ئەوەی بایدن لە رکابەرییەکە کشایەوە و پشتگیریی لە کامالا هاریسی جێگری کرد، ئەمڕۆ هاریس یەکەم دیبەیتی خۆی بەرامبەر ترەمپ کرد.
هاوژینی هاریسی 59 ساڵ گوتیشی: "ئەم سەرکەوتنە بۆ 55 رۆژی داهاتوو هەڵدەگرین، بۆ ئەوەی کامالا هاریس وەک سەرۆکی داهاتووی ئەمریکا بانگبکەم."
دیبەیتە 90 خولەکییەکەی نێوان دوو بەربژێرەکە لە شاری فیلادێلفیا لە ویلایەتی پێنسلڤانیا بەڕێوەچوو و کەناڵی ABC نیوز پەخشی کرد. لە رووبەڕووبوونەوە گرنگەکەدا هەردوو بەربژێر باسیان لە چەندین پرسی پەیوەیست بە ئەمریکا و جیهان کرد و چەند جارێکیش هاریس بە ترەمپی گوت: "درۆ دەکات."
ترەمپ بەراورد بە دیبەتی یەکەم کەمتر هێرشی کرد و کامالا هاریسیش زۆر لەسەرخۆ و متمانەبەخۆ دەرکەوت.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ