رۆبۆتی راڤێن
رووداو دیجیتاڵ
لێکۆڵەران رۆبۆتێکیان دروستکردووە کە دەتوانێت لە سەر زەوی هاوشێوەی باڵندە رێبکات، بەهەمان شێوە لە ئاسمانیشدا وەک باڵندە بفڕێت.
رۆبۆتەکە ناونراوە راڤێن، لەلایەن پەیمانگەی تەکنۆلۆجیای فیدراڵی لە لۆزانی سویسرا دروستکراوە.
راڤێن، دوو قاچ و دوو باڵ و کلکیشی هەیە؛ لە شێوەدا بە تەواوەتی لە باڵندە دەچێت.
ئەو زانایانەی دروستیانکردووە، دەڵێن ئەگەر رۆبۆتەکە لە بە قەبارەیەکی گەورەتر دروستبکرێت، دەکرێ بەکاربهێنرێت و بنێردرێتە ئەو شوێنە دووردەستانەی مرۆڤ بەئاسانی پێیان ناگات.
بەپێی ئەنجامی ئەو تاقیکردنەوانەی کراون؛ شێوازی فڕینی باڵندە کە لە رۆبۆتی راڤێن لاسایی دەکرێتەوە، وزەیەکی کەمتری پێویستە بەراورد بەو رۆبۆتە شێوە باڵندەییانەی دیکە کە پەروانەیان هەیە و بە بزووێنەری جیاواز کاردەکەن.
راڤێن بە کۆمەڵێک هەستەوەر بەستراوەتەوە، کە دەتوانێت بە شێوازی ئۆتۆماتیک و خۆڕسک لە هەر شوێنێک پێویست بوو بفڕێت، باز بدات، یان لەسەر زەوی رێ بکات.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ