رووداو دیجیتاڵ
لە چین پاسێکی گواستنەوەی قوتابیان لەبەردەم قوتابخانەیەک خۆی بەنێو خەڵکدا کرد و لە ئەنجامدا 11 کەس گیانیان لەدەستدا کە پێنجیان قوتابین؛ 13 دیکەش لە رووداوەکەدا برینداربوون.
رووداوەکە لەبەردەم قوتابخانەیەکی شاری شاندۆنگ روویدا، پاسەکە خۆی بەنێو کۆمەڵەیەک قوتابی و دایکان و باوکاندا کردووە کە لەسەر شۆستەیەک وەستابوون.
ئەو وێنانەی لە تۆڕە کۆمەڵایەتییەکان بڵاوکراونەتەوە، دەریدەخەن کە ژمارەیەک منداڵ بە جلوبەرگی خوێناوییەوە لەسەر شۆستەکە کەوتوون و دایک و باوکیان بە هانایانەوە دەچن.
شوفێری پاسەکە لە لایەن پۆلیسەوە دەستگیرکراوە و لێکۆڵینەوەی لەگەڵ دەکرێت.
ئەم هەفتەیە ساڵی نوێی خوێندن لە زۆربەی قوتابخانە حکومییەکانی چین دەستیپێکرد.
تەممووزی ئەم ساڵیش لە شاری چانگشای ئەو وڵاتە ئۆتۆمبێلێک خۆی بەنێو خەڵکدا کرد و هەشت کەسی کوشت و پێنجی دیکەی بریندارکرد.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ