ترەمپ: سەرپۆش لە ماسک باشترە بۆ خۆپاراستن لە کۆرۆنا

 

 

دۆناڵد ترەمپ، سەرۆکی ئەمریکا لەوبارەیەوە رایگەیاند "خەڵکێکی زۆر سەرپۆش و ملپێچیان هەیە، دەتوانن سەرپۆش و ملپێچ بەکاربێنن، زۆر باشن، دەتوانن لەجیاتی بەکارهێنانی ماسک بەکاریان بهێنن، دەتوانن شتی دیکەش بەکاربێنن بۆ داپۆشینی رووخسارتان. لانیکەم ئەم بیرۆکەیە بۆ ماوەیەک خراپ نابێت".

 

سەرۆکی ئەمریکا راشیگەیاندووە "ئەوەی دەیبینم ئەوەیە کە خەڵکانێک لێرە سەرپۆش و ملپێچ بەکاردەهێنن، لەڕاستیدا منیش دڵنیام سەرپۆش و ملپێچ باشترن".

 

سەنتەری کۆنترۆڵکردن و رێگریکردن لە نەخۆشییەکان بەکارهێنانی سەرپۆش و ملپێچی بە دوایین رێگەی خۆپارێزی ناوبردووە لە ئەگەری کەمبوونەوەی هۆکارەکانی خۆپارێزی.

 

لە ئەمریکا بڵاوبوونەوەی ڤایرۆسی کۆرۆنا خێرایە، تاوەکو ئێستا 226 هەزار و 141 کەس تووشی کۆرۆنا بوون، لەو ژمارەیەش 10 هەزار و 265 کەس چاکبوونەتەوە و پێنج هەزار و 307 کەسیش گیانیان لەدەستداوە.