رووداو دیجیتاڵ
هەڵبژاردەی ئوروگوای دوای دۆڕان و یەکسانبوونێک یەکەم بردنەوەی لە کۆپا ئەمریکا بەدەستهێنا.
لە گەڕی سێیەمی قۆناخی کۆمەڵەکانی کۆپا ئەمریکا هەردوو هەڵبژاردە بەرامبەر یەکدی یارییان کرد و ئوروگوای یارییەکەی بە ئەنجامی دوو گۆڵی بێوەڵام بردەوە.
لە گێمی یەکەمدا و لە خولەکی 40دا خیرۆ کوێنتێرۆس بە هەڵە تۆڕی بۆلیڤیای هەژاند و ئەم گێمە بەم تاکە گۆڵە کۆتاییهات.
لە گێمی دووەمدا و لە خولەکی 79دا ئیدینسۆن کاڤانی گۆڵی دووەم و بردنەوەی یارییەکەی بۆ ئوروگوای تۆمارکرد و یەکەم سێ خاڵی پاڵەوانێتییەکەیان بەدەستهێنا.
ئوروگوای لە کۆمەڵەی یەکەمە و بەم بردنەوەیە هاتە پلەی چوارەم و بە فەرمی بۆ قۆناخی هەشتی کۆپا ئەمریکا سەرکەوت، بۆلیڤیاش هیچ هیوایەکی نەماو لە سێ یاریدا سێ دۆڕانی هەیە و ماڵئاوایی لە کۆپا ئەمریکا کرد.
لە یارییەکی دیکەدا هەڵبژاردەی چیلی سەرەڕای دۆڕانی بە هەڵبژاردەی پاراگوای بۆ قۆناخی هەشتی کۆپا ئەمریکا سەرکەوت.
پاراگوای لە یارییەکەدا ئاستێکی بەرزی پێشکێشکرد و یارییەکەی بە ئەنجامی دوو گۆڵی بێوەڵام بردەوە.
لە گێمی یەکەمدا و لە خولەکی 33 برایان سادۆمۆ گۆڵی یەکەمی پاراگوای تۆمارکرد و ئەم گێمە بەم تاکە گۆڵە کۆتاییهات.
لە گێمی دووەمدا و لە خولەکی 58دا میگێل ئالمیرۆن بە لێدانی سزا گۆڵی دووەمی بۆ پاراگوای تۆمارکرد و یارییەکەیان بە دوو گۆڵی بێوەڵام بردەوە.
سەرەڕای ئەم ئەنجامە هەردوو هەڵبژاردە گەیشتنە قۆناخی 16 و چیلی یارییەکانی ئەم قۆناخەی ئەنجامداوە و پاراگواش یارییەکی ماوە ئەنجامی بدات.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ