رووداو دیجیتاڵ
رۆژنامەی سەنی بەریتانی رۆشنایی خستووەتە سەر ژیانی تایبەتی جود بێلینگهامی ئەستێرەی ئینگلیزی، یاریزانی هێڵی ناوەڕاستی یانەی ریال مەدرید، بە بڵاوکردنەوەی وێنەکانی لەگەڵ ئاشلین کاسترۆی خۆشەویستەکەی، کە یەکەمجارە بەئاشکرا بڵاودەکرێنەوە.
رۆژنامە بەریتانییەکە ئاماژەی بەوەشکردووە، ئەستێرەی ئینگلیزی جود بێلینگهام بۆ یەکەمجار لەگەڵ خۆشەویستە نوێیەکەی بینراوە، کە ژمارەیەک وێنەی لە ئینستاگرام بڵاوکردووەتەوە.
ئەستێرەی ریال مەدریدی تەمەن 21 ساڵ، دەستیکرد بە پەیوەندی خۆشەویستی لەگەڵ ئاشلین کاسترۆی تەمەن 27 ساڵی خانمە شۆخی ئەمریکی.
ئاشلین خانمه مۆدێل و ئەستێرەی ئینستاگرام لەگەڵ دایکی بێلینگهام، دێنیسی تەمەن 56 ساڵ و مارکی باوکی جودی تەمەن 48 ساڵ، لە شوێنی ڤی ئای پی خێزانی لە سانتیاگۆ بێرنابیۆ قسەی کردووە.
رۆژی دواتر جود و ئاشلین پێکەوە چوونەتە نانخواردنی نیوەڕۆ لە چێشتخانەیەک لە مەدرید.
سەرچاوه میدیایەکانی ئینگلیزی رایانگەیاند، جود و ئاشلین دوای ئەوەی هەردووکیان لایکی پۆستەکانی یەکدییان کردووه له ئینستاگرام، دەستیان بە پەیوەندییەکی خۆشەویستی کردووه.
ئاماژەی بەوەشکردووە، جود بەتایبەتی سەرنجی لەسەر وێنەیەکی ئاشلی داناوە، کە لە مانگی 11ـی 2024 بڵاوکراوەتەوە و تێیدا ئاشلین جلی کورتی لەبەردایە.
ئاشلین لە ساڵی 1998 لە ئەمریکا لەدایکبووە و جود بۆ یەکەمجار لە مانگی تەممووزی ساڵی رابردوودا چاوی پێیکەوتووە کاتێک لەگەڵ هاوڕێیەکەی لە هەڵبژاردەی ئینگلتەرا، ئەلێکساندەر ئارنۆڵد دوای پاڵەوانێتی یۆرۆ سەردانی لۆس ئەنجلۆسیان کردووە.
ئەو خانمە ئەمریکییە لە ئینستاگرام 140 هەزار فۆڵۆوەرسی هەیە و دەگوترێت پێشتر پەیوەندی لەگەڵ ئەکتەری ناوداری ئەمریکی مایکل بی جۆردن هەبووە، هەروەها ماوەیەکیش لەگەڵ لامێلۆ بۆڵی یاریزانی باسکەی تەمەن 23 ساڵان بووە.
جگە لە بەهرەیەکی سەرنجڕاکێشی تۆپی پێ، دەنگۆی ئەوە بڵاوبووەوە کە جود بێلینگهام پەیوەندی سۆزداریی زۆری هەیە و زیاتر لە یەک پەیوەندی خۆشەویستی هەبووە لە مانگی نیسانی 2024، زانیاری هەبوو کە جود لەگەڵ خانمە مۆدێل لۆرا سیلیا فالک، تەمەن 26 ساڵ پەیوەندی خۆشەویستی هەبووە و زۆر سەرسام بووە پێی، بەڵام دوای چەند مانگێک فالک ئاشکرایکرد کە لەگەڵیدا جیابووەتەوە.
لە ساڵی 2023 رۆژنامە ئینگلیزییەکان باسیان لەوە کردبوو کە یاریزانی یانەی ریال مەدرید لەگەڵ ئاسانتێوا چیتی مۆدێلی غانایی پەیوەندی خۆشەویستی هەبووە. هەروەها دەگوترێت هاوڕێیەتی ئەزرا میان ئەستێرەی ئەمریکی تیک تۆک و هەروەها ئەستێرەیەکی بەناوبانگی هۆڵەندی سۆشیال میدیای کردووە.
ئاشلین رووخسارێکی نامۆیە بۆ هاندەرانی تۆپی پێ، ئەمەش وایکردووە هەمووان ئارەزوو بکەن دەربارەی ئەو خانمە گەنجەی کە دڵی یەکێک لە ئەستێرە دیارەکانی تۆپی پێی جیهان داگیرکردووە، زانیاری بزانن.
ئاشلین کاسترۆ کێیە؟ چ نهێنیەک دەشارێتەوە؟
لێرەدا باسی 8 نهێنی سەبارەت بە ئاشلین کاسترۆ، خۆشەویستە ئەمریکییەکەی بێلینگهام دەکەین:
1 - لەخۆی گەورەترە
بەپێچەوانەی ئەو باوەڕە باوەی لە پەیوەندی یاریزانانی تۆپی پێدا هەیە، ئاشلی تەمەنی لە بێلینگهام گەورەترە لە کاتێکدا بێلینگهام تەمەنی 21 ساڵە، بەڵام باس لەوە دەکرێت کە ئاشلی تەمەنی نزیکە لە 30 ساڵی، هەرچەندە هەندێک سەرچاوە باس لەوە دەکەن کە تەمەنی 27 ساڵە و لە 1998 لەدایکبووە، باڵم پێدەچێت جیاوازی تەمەن نەبووبێتە بەربەستێک لەبەردەم پەیوەندییەکەیاندا، پێدەچێت پێکەوە دڵخۆش و ئاسوودە بن.
2 - هاوڕێیەتی لەگەڵ یاریزانێکی باسکە کردووە
پێش پەیوەندییەکەی لەگەڵ بێلینگهام، ئاشلین پەیوەندی لەگەڵ یاریزانی باسکەی ئەمریکی لامێلۆ بۆڵ هەبووە، کە ئێستا یاری بۆ یانەی شارلۆت هۆرنێتس دەکات لە خولی باسکەی ئەمریکی. هەندێک وێنەی پێکەوەیان لە سۆشیال میدیا بڵاوبوونەتەوە، ئەمەش ئاماژەیە بۆ ئەوەی پەیوەندی نێوانیان جددی بووە.
3 - کەپڵی ئەکتەرێکی بەناوبانگی جیهانی بووە
پەیوەندییەکانی ئاشلین تەنیا لە وەرزشواناندا سنووردار نەبووە، بەڵکو پەیوەندی بە ئەکتەری بەناوبانگی ئەمریکی مایکل بی جۆردنەوە هەبووە، کە بەهۆی رۆڵی لە فیلمی بۆکسێنی "کرید"ـدا بەناوبانگە.
جۆردن یەکێکە لە ئەستێرە بەناوبانگەکانی هۆلیوود، ئەمەش ئەوە دەردەخات کە ئاشلین پێی باشترە لەگەڵ پیاوە سەرکەوتوو و بەناوبانگەکاندا پەیوەندی بکات.
4 - لە سۆشیال میدیا چالاک نییە
هەرچەندە ئاشلین کچە مۆدێلە، بەڵام لە سۆشیال میدیادا زۆر چالاک نییە، بۆ نموونە لە ئینستاگرام تەنیا 150 هەزار فۆڵۆوەرسی هەیە، کە ژمارەیەکی کەمن بەبەراورد بە مۆدێلە بەناوبانگەکانی دیکە، بەڵام دەکرێت ئەمە بە ئارەزووی پاراستنی تایبەتمەندی خۆی لێک بدرێتەوە.
5 - دایک و باوکی بێلینگهامی ناسیوە
لەم دواییانەدا ئاشلین لەگەڵ دایک و باوکی بێلینگهام لە شوێنی ڤی ئای پیی خێزانی لە سانتیاگۆ بێرنابیۆ لە یارییەکەی ریال مەدرید بەرامبەر سالزبۆرگ لە چامپیۆنزلیگدا بینرا. ئەم کۆبوونەوەیە ئەوە دەردەخات کە رەنگە پەیوەندی نێوان بێلینگهام و ئاشلین جددی بێت و بەرەو سەقامگیری بڕوات.
بێلینگهام بە وابەستە بەخێزانەکەی ناسراوە، بۆیە بینینی دایک و باوکی لەلایەن ئاشلینەوە هەنگاوێکی گرنگە لە پەیوەندییەکەی نێوانیاندا.
6 - پشووی هاوینیان پێکەوە بەسەربردووە
بێلینگهام دوایین پشووی هاوینەی لە شاری لۆس ئەنجلۆس بەسەربردووە، لەوێدا ئاشلینی ناسیوە و راپۆرتەکان ئاماژەیان بەوە کردووە کە پەیوەندی نێوانیان لەو کاتەدا دەستیپێکردووە، بەڵام پێیان باشە پەیوەندییەکە بەنهێنی و دوور لە چاوی میدیاکان بهێڵنەوە و پشووەکانیان پێکەوە بەئارامی بەسەرببەن. ئەمەش یارمەتیدەر بووە بۆ بەهێزکردنی پەیوەندییەکەیان.
7 - باوکی بە هۆی Covid-19 لەدەستدا
ئاشلین لەساڵی 2021 باوکی لەدەستداوە، کە بەهۆی تووشبوونی بە ڤایرۆسی کۆرۆناوە گیانی لەدەستداوە، ئەویش بەبڵاوکردنەوەی یادگارییەکانی باوکی لە تۆڕی کۆمەڵایەتی ئینستاگرام ئاشکرابوو، هەروەها ئەمە دیوێکی هەستیاری کەسایەتی ئاشلین دەردەخات، کە لە ژیانیدا بە ئەزموونێکی سەختدا تێپەڕیوە.
8 - پەیوەندییەکی راستەقینە لەئارادایە
بێلینگهام بە گرنگیپێدانی زۆر بە ژیانی تۆپی پێیەوە ناسراوە، پێشتریش پەیوەندییەکی جددی نەبووە، بەڵام پێدەچێت پەیوەندییەکەی لەگەڵ ئاشلین جیاواز بێت.
هەندێک سەرچاوە ئاماژەیان بەوە کردووە کە بێلینگهام زۆر حەزی لە ئاشلینە، هەروەها بیر لەوە دەکاتەوە لە داهاتوویەکی نزیکدا بەفەرمی دەستگیرانداریی خۆی لەگەڵ ئاشلین رابگەیێنێت.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ