ڤیدیۆ؛ ریال بێتیس جامی شای ئیسپانیای بردەوە

 

یارییەکە لەسەر یاریگەی لا کارتوخا بەڕێوەچوو، کە بە درێژایی کاتی یاسایی و هەردوو نیوەی زیادکراو بە یەکسانبوون بە ئەنجامی 1-1 کۆتاییهات و بە ناچاری پەنایان بردە بەر لێدانەکانی یەکلاکەرەوە.

 

سەرەتا بۆرخا ئیگلیسیاس لە خولەکی 11 گۆڵی پێشکەوتنی بۆ ریال بێتیس تۆمارکرد، بەڵام گۆگۆ دۆرۆ لە خولەکی 30ـدا گۆڵی یەکسانبوونی بۆ ڤالێنسیا تۆمارکرد و نیوەی یەکەم بەو ئەنجامە کۆتاییهات.

 

لە نیوەی دووەم و لە هەردوو گێمی زیادکراویشدا هیچ تیپێک نەیتوانی جارێکی دیکە تۆڕی گۆڵی ئەوەی دیکە بهەژێنێت و پەنا برایە بەر لێدانەکانی یەکلاکەرەوە، کە تێیدا ریال بێتیس 5-4 سەرکەوتنی بەدەستهێنا و بووە پاڵەوانی جامی شای ئیسپانیا.

 

ئەمە سێیەمجارە ریال بێتیس نازناوی جامی شای ئیسپانیا دەباتەوە، کە پێشتریش لە هەردوو وەرزی 1976-1977 و 2004-2005 جامەکەی بەدەستهێناوە.

 

هەرچی ڤالێنسیایە، پێشتر 8 جار ئەو جامەی بردووەتەوە، کە دوایینیان لە وەرزی 2018-2019 بوو.