هەڵەیەک روویدا! دووبارە هەوڵبدە
لە میانی یارییەکانی گەڕی 27ی بوندێسلیگای ئەڵمانی یانەی ڤۆلڤسبۆرگ میوانداری یانەی بۆرووسیا دۆرتمۆندی دووەمی ریزبەندی کرد.
لە سەرەتاوە دۆرتمۆند باڵادەستی خۆی بەسەر کەشی یارییەکەدا سەپاند، لەسەر گوشاری هێرشەکانی بەردەوام بوو، تاوەکو ئەوکاتەی رافایل گێرێرۆ لە خولەکی 32 زەردەواڵەکانی بە گۆڵێک پێشخست، سەرباری چەند هەوڵێکی هێرشبردنی هێرشبەرانی ڤۆلڤسبۆرگ، بەڵام ئەنجامی گێمی یەکەم بە گۆڵێکی بێ وەڵام بە سوودی دۆرتمۆند کۆتایی هات.
لە گێمی دووەم ڤۆلڤسبۆرگ چەند گۆڕانکارییەکی هێرشبەری کرد، بۆ ئەوەی هەوڵی یەکسانکردنەوەی ئەنجامەکە بدات، بەڵام ئەمە بووە هۆی ئاسانکاری زیاتر بۆ هێرشبەرانی دۆرتمۆند و لە خولەکی 78 ئەشرەف حەکیمی گۆڵی دووەم و دڵنیای بۆ تیپی میوان تۆمار کرد.
ئەنجامی یارییەکە یاریزانانی ڤۆلڤسبۆرگی تووشی گوشاری دەروونیی کردبوو، بەجۆرێک کاردانەوەی توندیان نیشاندا، هەر بۆیە لە ئەنجامی رەفتاری توندی کلیکس کڵاوس، ناوبژیوان بە کارتی سوور لە یاریگاکە دەریکرد.
ئەنجامی کۆتایی یارییەکە بە دوو گۆڵی بێوەڵام بە سوودی بۆڕووسیا دۆرتمۆند کۆتایی هات، بەم ئەنجامە دۆرتمۆند بە کۆکردنەوەی 57 خاڵ لە پلەی دووەم پێگەی خۆی قایمترکرد و جیاوازی خاڵەکانی لەگەڵ بایرن میونشنی پێشەنگ، بۆ یەک خاڵ کەمکردەوە، یانەی ڤۆلڤسبۆرگیش بە 39 خاڵ لە پلەی شەشەمی ریبەندی دێت.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ