Photo by CESAR MANSO / AFP
رووداو دیجیتاڵ
ئۆساسۆنا گورزێکی ئازاربەخشی لە خەونەکانی ریال بێتیس دا بۆ سەرکەوتن بۆ یۆرۆپالیگ، دوای ئەوەی 3 خاڵی گرنگی لێوەرگرت.
لە گەڕی 30ـی خولی ئیسپانیادا، ئۆساسۆنا لەسەر یاریگای ئێل سادار میوانداری ریال بێتیسی کرد و بە ئەنجامی 3-2 شکستی پێهێنا.
بۆدەمیر هەر زوو لە خولەکەکانی 6 و 11 دوو گۆڵی بۆ خاوەن ماڵ تۆمارکرد، بەڵام تیپی میوان لە خولەکی 16 سەرکەوتوو بوو لە کەمکردنەوەی جیاوازیی ئەنجامەکە لە رێگەی خوان میراندا،
پێش کۆتایی گێمی یەکەم بە 4 خولەک، جۆن مۆنکایۆلا گەڕایەوە بۆ ئەوەی جارێکی دیکە جیاوازییەکە فراوانتر بکاتەوە و گۆڵی سێیەمی بۆ ئۆساسۆنا تۆمارکرد.
گیدیۆ رۆدریگێز لە خولەکی 70 گۆڵی دووەمی بۆ ریال بێتیس تۆمارکرد و ئەنجامی یارییەکە بە 3-2 لە بەرژەوەندی ئۆساسۆنا کۆتاییهات.
بەم سەرکەوتنە ئۆساسۆنا بووە خاوەنی 41 خاڵ لە پلەی هەشتەم، ریال بێتیس بە 48 خاڵ لە پلەی پێنجەم مایەوە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ