ئەو یاریزانەی ریال مەدرید و لیڤەرپوول داوایان دەکرد چووە ریال بێتیس

رووداو - هەولێر

بە فەرمی یانەی ریال بێتیس گواستنەوەی یەکێک لە ئەستێرەکانی یانەی لیۆنی راگەیاند.

یانەی ریال بیتیس رایگەیاند گرێبەستیان لەگەڵ ئەستێرەی یانەی لیۆن، نەبیل فەقیر واژۆکردووە و ئەمڕۆ یاریزانەکە پشکنینە پزیشکییەکانی بە سەرکەوتوویی ئەنجامداوە.

گرێبەستی فەقیر لەگەڵ بێتیس بە بڕی 20 ملیۆن یۆرۆیە و بۆ ماوەی پێنج ساڵە، سبەی بە فەرمی یانە ئیسپانییەکە ئەو یاریزانە فەرەنسییە بە مێدیاکان دەناسێنێت.

لە وەرزی رابردوودا نەبیل یەکێک بوو لە ئەستێرە دیارەکان و چەندین یانەی وەکو ریال مەدرید، لیڤەرپوول، پاریس سانجێرمان و چەند یانەیەکی گەورەی ئەوروپا داوای ئەو یاریزانەیان دەکرد و دەستەوارەکانیش لە 60 ملیۆن یۆرۆ کەمتر نەبوون، بەڵام دواتر فەقیری 26 ساڵان بڕیاریدا لە لیۆن بمێنێتەوە.

• به‌شی بكه‌ لە
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger