ئارسیناڵ و چێڵسی دۆڕان و ئەرکی لیڤەرپوولیان ئاسانکردەوە

22-02-2025
دیاری حەسەن
نیشانەکردن یانەی ئارسیناڵ یانەی چێڵسی یانەی تۆتێنهام یانەی مانچێستەر یونایتد
A+ A-
رووداو دیجیتاڵ
 
لە درێژەی یارییەکانی گەڕی 26ی پرێمەرلیگ، کۆمەڵێک سوپرایز روویاندا و چەند یانەیەکی گەورە راگیران.
 
یانەی مانچێستەر یونایتد لە دەرەوەی یاریگەی خۆی رووبەڕووی یانەی ئیڤەرتۆن بووەوە و ئەو یانەیە بە سەختی لە دۆڕان رزگاری بوو، یانەی ئیڤەرتۆن لە خولەکەکانی 19 و 32، دوو گۆڵیان لە کوڕانی ئامۆریم کرد، دوای ئەو دوو گۆڵەی ئیڤەرتۆن، هێرشەکانی مانچێستەر یونایتد دەستیانپێکرد و لە خولەکی 72، برونۆ فێرناندێش گۆڵی یەکەمی ئەو یانەیەی تۆمارکرد، هێرشەکانی مانچێستەر یونایتد بەردەوامبوون و لە خولەکی 80، مانوێل ئوگارتێ گۆڵی یەکسانبوونی تۆمارکرد و یارییەکەش بەو ئەنجامە کۆتایی هات.
 
دەیڤید مۆیێس، راهێنەری ئیڤەرتۆن، دوای یارییەکە گوتی "یەکسانبوونەکەمان بەرامبەر مانچێستەر یونایتد بە تامی دۆڕان بوو"
 
لە دێربییەکی لەندەنیشدا، یانەی وێستهام میوانێکی قورسی یاریگەی ئیمارات بوو کاتێک رووبەڕووی یانەی ئارسینال بووەوە، ئەو یانەیە توانی بە گۆڵێکی بۆوین، بە ئەنجامی 1-0 لە گەنەرز ببەنەوە و ئەرکی ئەو یانەیە بۆ رکابەریکردن لەسەر نازناوی پرێمەرلیگ سەختتر بکەنەوە.
 
یانەی چێڵسی لەلایەکی دیکەوە میوانی ڤێلا پارک بوو، ئەو یانەیە لە دەرەوەی یاریگەی خۆی بە ئەنجامی 2-1 بە یانەی ئاستۆن ڤێلا دۆڕا، سەرەتا بلوز گۆڵی یەکەمیان تۆمارکرد، بەڵام مارکۆ ئاسێنسیۆ توانی سەرکردایەتی ریمۆنتادای ئاستۆن ڤێلا بکات و بە تۆمارکردنی دوو گۆڵ، ئەنجامەکەی لە بەرژەوەندی ئاستۆن ڤێلا یەکلاییکردەوە.
 
یانەی تۆتێنهام، ئیپوسیچ تاونی گۆڵبارانکرد و توانی لە دەرەوەی یاریگەی خۆی بە ئەنجامی 4-1 لە شۆفێری تراکتۆرەکان بباتەوە، لەو یارییەدا، ئەستێرەی درەوشاوەی وێڵزی، برێنان جۆنسۆن، توانی دوو گۆڵ بکات و سەرکردایەتی تۆتێنهام بکات بۆ ئەو بردنەوە گرنگە.
 
ئەنجامەکانی رۆژی شەممەی نایاب لە پرێمەرلیگ:
 
ئیڤەرتۆن 2-2 مانچێستەر یونایتد 
 
ئارسیناڵ 0-1 وێستهام 
 
ئیپسویچ تاون 1-4 تۆتێنهام
 
ئاستۆن ڤێلا 2-1 چێڵسی
 
ساوسهامپتۆن 0-4 برایتۆن
 
بۆرنمۆس 0-1 وۆڵڤەرهامتۆن
 
فولهام 0-2 کریستاڵ پاڵاس

کۆمێنتەکان

وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه‌

کۆمێنتێک دابنێ

داواکراوە
داواکراوە