رووداو دیجیتاڵ
ئیدین هازاردی ئەستێرەی پێشووی هەڵبژاردەی بەلجیکا، باسی لە دەستنیشانکردنی باشترین یاریزان لە مێژووی تۆپی پێی کرد و باسی جیاوازیی نێوان رۆناڵدۆ و مێسی کردووە.
هازارد قسەی بۆ رۆژنامەی 'دەیلی مەیل'ی بەریتانی لەبارەی ئەو هەڵبژاردنەوە دەڵێ "هەڵبژاردن لە نێوان رۆناڵدۆ و مێسی؟ بەلای منەوە مێسی باشترە، ئەگەر ئەوە لەبەرچاوبگرین چ جۆرە تۆپی پێیەک ئەنجامدەدەن".
هازارد کە وازی لە یارییکردن هێناوە، زیاتر دەڵێ، "خەڵک بۆچوونی جیاوازیان لەوبارەیەوە هەیە، ئەگەر بیر لە گۆڵ تۆمارکردن و بەدەستهێنانی نازناوەکان بکەین، بێگومان رۆناڵدۆ باشترینی مێژووە".
ئەو یاریزانەی پێشووی چێڵسی و ریال مەدرید هەروەها دەڵێ، "رۆناڵدۆ ناوازەیە، ئێستا تەمەنی 38 ساڵە و لە گۆڵکردن تاوەکو تەمەنی 50 ساڵی بەردەوام دەبێت، من بەو شێوەیە بیری لێدەکەمەوە".
هازار لە کۆتاییدا دەڵێ، "شێوازی یارییکردنی من زیاتر لە مێسییەوە نزیکبوو، بەڵام بەبڕوای من مەزنترین یاریزان زینەدین زیدانە".
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ