رۆدریگۆ
رووداو - هەولێر
رۆدریگۆ گوس، یاریزانی بەرازیلی و یانەی ریال مەدرید، باسی یارییکردن لەگەڵ کریستیانۆ رۆناڵدۆ دەکات و دەڵێت، ئێستا ئەوە شتێکی زۆر قورسە.
گوس لە کۆنگرەیەکی رۆژنامەڤانیدا، بەر لە یاریی هەڵبژاردەکەی بەرامبەر ئەرجەنتین بە رۆژنامەڤانانی گوت، جارێ گەنجە و نایەوێت خۆی بخاتە ژێر ئەو پاڵەپەستۆیەی کە دەتوانێت جێگەی رۆناڵدۆ بگرێتەوە یان نا.
رۆدریگۆ، لە کۆنگرە رۆژنامەڤانییەکەدا دەڵێت، رۆناڵدۆ باشترین یاریزانی مێژووی ریال مەدریدە، جارێ زووە باسی جێگرتنەوەی ئەو و پڕکردنەوەی بۆشاییەکەی بکەین، چونکە من هێشتا گەنجم.
رۆدریگۆ لە ماوەی چەند هەفتەی رابردوودا لەگەڵ ریال مەدرید ئاستێکی بەرزی پێشکەشکردووە، لە یارییەکەی بەرامبەر گاڵاتەسەرای لە چامپیۆنزلیگدا هاتریکی تۆمارکرد و ئاسیستێکی هەبوو، بەو هۆیەوە بووە باشترین یاریزانی گەڕی چوارەمی خولەکە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ