رۆجێر فێدێرێر لە نیشیکۆری بردەوە

رووداو - هەولێر

رۆجیر فێدێرێری تێنسزانی سوێسری بردنەوەی بەسەر کی نیشیکۆری تێنسزانی ژاپۆنی بەدەستهێنا و گەیشتە قۆناخی پێشکۆتایی تێنسی وێمبڵدۆن.

نیشیکۆری لە کۆمەڵەی یەکەمدا باڵادەست بوو و ئەم کۆمەڵەیەی بە ئەنجامی شەش چوار بردەوە.

بەڵام دواتر فێدێرێر هێزی خۆی لە یارییەکەدا پیشاندا و سێ کۆمەڵەی یەک بەدوای یەکی بە ئەنجامەکانی شەش یەک، شەش چوار و شەش چوار بردەوە و یارییەکەی بە ئەنجامی سێ کۆمەڵە بەرامبەر بە کۆمەڵەیەک بردەوە.

دوای یارییەکەش رۆجێر ژمارەیەکی پێوانەیی نوێی لەم پاڵەوانێتییە تۆمارکرد و بووە یەکەم تێنسزان لە مێژوودا 100 یاری لە پاڵەوانێتییەکانی گراندسلامدا بباتەوە.

• به‌شی بكه‌ لە
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger