ئامەدسپۆر دۆڕا

 

 

لە رکابەرییەکانی گەڕی 23ـی خولی پلە دووی تورکیا، یانەی ئامەدسپۆر لە دەرەوەی یاریگەی خۆی بەرامبەر یانەی بورساسپۆر یارییکرد و یارییەکەی بە گۆڵێک بەرامبەر دوو گۆڵ دۆڕاند.

 

بەر لە بەڕێوەچوونی یارییەکە یاریزانانی یانەی بورساسپۆر هێرشیانکردە سەر یاریزانانی یانەی ئامەدسپۆر و هاندەرانیش دروشمی رەگەزپەرستیان لە دژی یاریزانانی تیپەکەی باکووری کوردستان گوتەوە، بەڵام لەگەڵ ئەوەشدا یارییەکە ئەنجامدرا.

 

لە نیوەی یەکەمی یارییەکەدا بورساسپۆر بە گۆڵێک پێشکەوت، لە نیوەی دووەمدا هەریەکەیان گۆڵێکیان تۆمارکرد و خاوەن یاریگە یارییەکەی بردەوە.

 

لە یارییەکەدا تەنیا هاندەرانی یانەی بورساسپۆر ئامادەبوون و رێگە بە ئامادەبوونی هاندەرانی ئامەدسپۆر نەدرا، بەدرێژایی یارییەکە هاندەرانی بورسا دروشمی رەگەزپەرستیان لە دژی یاریزانانی ئامەد دەگوتەوە و چەندینجار بەهۆی هەڵدانی دەبەی ئاوەوە بۆ نێو یاریگە یارییەکە راگیرا و یاریزانانی ئامەدسپۆر لەژێر پەرژینی پۆلیسی نێو یاریگە لە یاریگە چوونە دەرەوە.

 

بە دۆڕانی لە یارییەکەی ئەمڕۆدا یانەی ئامەدسپۆر چوارەم یاریی لەم وەرزەی خولەکەدا دۆڕاند و بە 41 خاڵ لە پلەی سێیەمی ریزبەندی خولی پلە دووی تورکیایە لە رکابەرییەکانی کۆمەڵەی سپیدا.