ڤیدیۆ؛ نێچیرڤان بارزانی چی بە یونس مەحموود گوتووە؟

 

 

یونس مەحموود لە هەڤپەیڤینێکی تایبەتی رووداودا لەبارەی بردنەوەی جامی کەنداو و پێشوازیکردنیان لەلایەن سەرۆکی هەرێمی کوردستان و چەند پرسێکی دیکە قسەی بۆ رووداو کرد.

 

 

یونس مەحموود: سەرەتا سوپاسی ئەم دیدارە دەکەم لەگەڵ تۆدا، بەڵێ من لە بەغدا چاوم بە کاک نێچیرڤان کەوت و دیدارمان هەبوو، سوپرایزبوو  بۆ ئەو کە من خەڵکی دوبزم کە ناوچەیەکی نزیکە لە هەولێر و بەلایەوە سەیربوو کە من دانیشتووی هەولێرم و خێزانەکەم لە هەولێر دەژین و شەرەفمەندبووم کە چاوم بە کاک نێچیرڤان کەوت.

 

 

یونس مەحموود: بێگومان دیداری دووەممان، دیدارێکی فەرمی بوو بۆ ئەو کە میوانداریکردین لە هەرێم و لە پارێزگای هەولێر، ئەو سەرۆکی هەرێمە و ئێمە شەرەفمەندین بەوەی کە دیداری ئەومان هەبوو، چونکە ئەوە زۆر شت دەبەخشێت بە یاریزانان و ئەوە پشتگیریی بوو بۆ فیدراسیۆنی تۆپی پێ و هەمیشە پارێزگای هەولێر و هەرێمیش بە گشتی، هەمیشە رۆڵی گەورەی هەبووە لە پشتگیریکردنی تۆپی پێ لە عێراق و ئەمڕۆش هەلێکی خۆش بوو کە جارێکی دیکە چاومان بە کاک نێچیرڤان کەوتەوە و فەرمانیدا بە پشتگیریکردنمان لە هەر پێویستییەک کە هەمان بێت و داواکردن ئاسانکاری بۆ کارەکانمان بکرێت و بێگومان ئەوە شتێکی نامۆ نییە بە سەرکردە سیاسییەکانمان، چونکە هەمیشە هاوکاریمان دەکەن لەبەرئەوەی ئەوان وەرزشیان خۆشدەوێت و هیوادارین کە وەبەرهێنان لە وەرزشدا هەبێت چونکە وەرزش هەمیشە سیاسییەکان یەکدەخات.

 

 

یونس مەحموود:  بەڵێ، پێموایە من نازانم لەوانەیە یاریزانەکان خۆشیان بوێم و جەماوەرێکی زۆرم هەیە کە خۆشیاندەوێم، من هەمیشە حەزدەکەم هاوکاریی یاریزانەکان بکەم، بەجۆشوخرۆشم بم لەگەڵیاندا و بەردەوام لەگەڵیاندا بم و هانی یاریزانەکان بدەم، چونکە هەندێکجار یاریزانەکان دەگەنە  قۆناخی بێئومێدی یان قۆناخێک کە ورەیان دادەبەزێت و من ئەوکاتانە دەمەوێت بەردەوام لەگەڵیاندا بم و پشتگیرییان بکەم و پشتبەخوا من هەمیشە پشتگیریکاری ئەو یاریزانانە دەبم، تاوەکو هاوکارییان بکەم.

 

 

یونس مەحموود: بێگومان بارودۆخەکە جیاوازبوو، ساڵی 2007 دۆخەکە زۆر قورس و ئاڵۆز بوو لە عێراقدا و کێشە هەبوو لە عێراقدا، هەر ئەوکات دەستکەوتی بەدەستهێنانی جامی ئاسیا هەبوو، کە هەموو گەلی یەکخست و زۆر سەهۆڵبەندی نێوان عێراقییەکانمان توواندەوە و ئەوەش بۆ من جێگەی شانازییە. ئێستا ئێمە کۆمەڵێک یاریزانی باشمان هەیە کە لەوانەیە پاش نزیکەی ساڵێک بچنە جامی ئاسیا لە قەتەر و دەکرێ لەوێ دەستکەوتەکەمان دووبارە بکەنەوە و تەنانەت دەکرێ دوای ئەوە لەبەرئەوەی پاڵاوتنی جامی جیهانی هەیە و ئەوە خەونی عێراقییەکانە و خەونی عێراقییەکان ئەوەیە کە بگەنەوە جامی جیهانی و ئێمە لێکۆڵینەوەمان لەو بارەیەشەوە کردووە لە چوارچێوەی پلانی خۆمان و هیوادارم بۆ ئەوکاتیش لەگەڵیاندابم و بتوانم هاوکارییان بکەم لەوە ئەو دەستکەوتە بەدەست بهێنن.