ڤیدیۆ؛ ریال سۆسیداد دیارییەکەی ئیسپانیۆلی رەتکردەوە

 

ریال سۆسیداد لە گەڕی هەشتی لالیگادا بووە میوانی خیتافیی دوایینی ریزبەندی و بە ئەنجامی 1-1 لەگەڵیدا یەکسانبوو.

 

یانەی باسکی، دیاری ئیسپانیۆلی قبوڵ نەکرد، کاتێک لە ریال مەدریدی بردەوە، بەمەش دەرفەتی چوونە پێشەنگی لەدەستدا، کە بە بردنەوە دەبووە خاوەنی 19 خاڵ، بەڵام ئێستا بە 17 خاڵ و بەجیاوازی گۆڵ لەگەڵ هەردوو یانەکەی مەدرید، ریال مەدرید و ئاتلێتیکۆ مەدرید پلەی سێیەمی گرتووە.

 

ساندرۆ رامیرێز لە خولەکی 40 گۆڵی یەکەمی بۆ خیتافی تۆمارکرد و نیوەی یەکەم بە پێشکەوتنی تیپی خاوەن یاریگە کۆتاییهات.

 

لە نیوەی دووەمدا، میکێل ئۆیارزابال لە خولەکی 68 گۆڵی یەکسانبوونی بۆ سۆسیداد تۆمارکرد، دواتر خۆی و هاوڕێکانی زۆر هەوڵیاندا گۆڵی بردنەوە بەدەستبێنن، بەڵام نەیانتوانی ئەو کارە بکەن و خیتافی یەکەم خاڵی خۆی لەم وەرزەدا بەدەستهێنا.