Photo by Jeroen Putmans / ANP / AFP
رووداو دیجیتاڵ
لە یارییەکی ئاستبەرزدا لە خولی هۆڵەندا، یانەی فاینۆرد رۆتێردام 3 خاڵی گرنگی لە یانەی فۆرتونا سیتارد وەرگرت.
یارییەکە لە گەڕی 31ـی خولەکە دابوو، کە لەسەر یاریگەی فۆرتونا سیتارد بەڕێوەچوو، بە ئەنجامی 3-1 لە بەرژەوەندی یانەی میوان کۆتایی هات.
لوچارل گێرترویدای یاریزانی کۆرساوی، لە خولەکەکانی 8 و 25ـدا دوو گۆڵی بۆ فاینۆرد تۆمارکرد و نیوەی یەکەم بە ئەنجامی دوو گۆڵی بێبەرامبەر لە بەرژەوەندی یانەی میوان کۆتاییهات.
لە نیوەی دووەمدا، دوای تەنیا 7 خولەک رێس نێلسۆن گۆڵی سێیەمیشی بۆ فاینۆرد تۆمارکرد.
لە خولەکی 70ـدا زیان فیلیمینگ تاکە گۆڵی یانەی خاوەن یاریگەی تۆمارکرد و یارییەکە لە بەرژەوەندی فاینۆرد بە ئەنجامی 3-1 کۆتاییهات.
بەم ئەنجامە فاینۆرد ژمارەی خاڵەکانی گەیاندە 67 خاڵ لە پلەی سێیەمی ریزبەندیی، فۆرتوناش 29 خاڵی هەیە و لە پلەی چواردەمدایە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ