ئەمینداری گشتیی چوارچێوەی هاوئاهەنگی رایدەگەیێنێت، پێشتر جێبەجێکردنی ماددەی 140 ئەستەم بوو، بەڵام ئێستا حکومەت بەرپرسیارە لە جێبەجێکردنی و دەشڵێت، دەبێ دەستوور وەک خۆی جێبەجێ بکرێت. گوتیشی، یەکێک لە هۆکارەکانی جێبەجێنەکردنی رێککەوتننامەی شنگال پەیوەستە بە بوونی چەند لایەنێکی بیانیی لە دەرەوەی دەسەڵات و دەوڵەتی عێراقی لە ناوچەکە.
باڵیۆزی ژاپۆن لە عێراق رایگەیاند، کۆمپانیا ژاپۆنییەکان خواستیان هەیە لە عێراق و هەرێمی کوردستان کاربکەن، بەڵام "ترس"یان لە دۆخی ئەمنیی عێراق هەیە. دەشڵێت، کۆمپانیا ژاپۆنییەکان بەدوای هاوبەشی متمانەپێکراودا دەگەڕێن لە هەرێمی کوردستان.
"ئێمە لە راستیدا لای خۆمانەوە ناتوانین چاکسازیی پێشمەرگە ئەنجامبدەین، بۆیە بە راستی هیوادارین ئەو پابەندبوونە سیاسییە ئاشکرایە لە هەموو لایەنەکانەوە هەبێت بۆ ئەوەی ئەم یەکگرتنەوەیەی هێزەکانی پێشمەرگە بەدەستبهێنرێت."
کۆنسوڵی گشتیی هۆڵەندا لە هەرێمی کوردستان، لەبارەی بۆردوومانەکانی ئێران لە هەرێمی کوردستان گوتی، هاوکاریی هەرێمی کوردستان دەکەین بۆئەوەی ناڕەزایەتی دژی بۆردوومانەکان دەربڕن. داواش دەکات لایەنە کوردییەکان یەکڕیزبن بۆئەوەی هەم لە بەغدا و هەم لە ئاستی نێودەوڵەتی بەهێزبن
دەیڤد هەنت، کۆنسوڵی گشتیی بەریتانیا لە هەرێمی کوردستان رایگەیاند، لە نزیکەوە بەدواداچوونیان بۆ کێشەی وزە لەنێوان هەولێر و بەغدا کردووە، چەند هەوڵێک هەن بۆ ئەوەی لەسەر رەشنووسی یاسای هایدرۆکاربۆن رێکبکەون. دەشڵێت، پەیوەندیی بازرگانی لەنێوان هەرێمی کوردستان و بەریتانیا هەیە، هانی بازرگانە بەریتانییەکانیان داوە وەبەرهێنان لە هەرێمی کوردستان بکەن.
رەها بەحرێنی، لێکۆڵەری تایبەت بە کاروباری ئێران لە رێکخراوی لێبووردنی نێودەوڵەتی دەڵێت، لە خۆپێشاندانەکانی رۆژهەڵاتی کوردستان و ئێران زیاتر لە 200 خۆپێشاندەر کوژراون کە شەش ژنیان تێدایە و زیاتر لە 13 هەزار کەسیش دەستگیرکراون.
لەسەر داوای عێراق، هەوڵە نێودەوڵەتییەکان چڕبوونەتەوە بۆ هەڵوەشاندنەوە و چۆڵکردنی کەمپی هۆل لە پارێزگای حەسەکەی رۆژئاوای کوردستان، کە خێزانی چەکدارانی داعش تێیدا نیشتەجێ کراون. کەمپەکە نزیکەی 13 کیلۆمەتر لە سنووری عێراقەوە دوورە، حکومەتی عێراق بە یەکێک لە "گەورەترین مەترسییەکان" بۆسەر ئاسایشی نەتەوەیی خۆی سەیری دەکات
جێگری یەکەمی سەرۆکی پەرلەمانی سوێد گوتی، وەزیری دەرەوەی وڵاتەکەی ئامادەیی نیشانداوە بۆ جێبەجێکردنی رێککەوتن لەگەڵ تورکیا، ئاماژەی بەوەش کرد، "سوێد لە ساڵی 1984ـەوە پەکەکەی وەکو رێکخراوی تیرۆریستی دیاریکردووە."
"سبەی مووچەی زانکۆ، وانەبێژان و دەرماڵەی خوێندکاران دابەش دەکرێت"
