رووداو- ئەنقەرە
خوڵوسی ئاکار، وەزیری بەرگریی تورکیا پەیوەندییەکی تەلەفۆنی لەگەڵ مارک ئێسپەر، وەزیری بەرگریی ئەمریکا بەوەکالەت ئەنجامدا.
بەگوێرەی میدیای تورکیا، لە میانی پەیوەندییە تەلەفۆنییەکەدا ئاکار و ئێسپەر تاوتوێی کڕینی سیستمی ئێس 400ی رووسی لە لایەن تورکیاوە و پێشھاتەکانی سووریایان کردووە.
میدیای تورکیا دەڵێت، خوڵوسی ئاکار رایگەیاندووە، کڕینی سیستمی S-400 بژاردە نییە، بەڵکو پێویستییە. ھەڵسەنگاندن لەبارەی سیستەمی پاتریۆت-یش بەردەوامە".
بەگوێرەی میدیای تورکیا، ھەر لە پەیوەندییە تەلەفۆنییەکەدا ئاکار جەختیکردوەتەوە کە تورکیا ھاوبەشی پڕۆژەی F-35ـە و پێویستە بەردەوامبێت.
ئاکار جەختیشی لەوە کردووەتەوە کە ھەڵوێستی تورکیا نەگۆڕاوە و گشت بەرپرسیاریەتییەکاتی خۆی لەبارەی فڕۆکەی جەنگیی F-35 بەجێگەیاندووە، جەختیشی لەوە کردەوە کە بە کڕینی S-400 گۆڕانکاری لە ھەڵوێستی ستراتیژی رووینەداوە و زیانگەیاندن بە پەیوەندییەکانی ھەردوو وڵات، لە بەرژەوەندی تورکیا و ئەمریکا و ناتۆدا نییە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ