رووداو دیجیتاڵ
لە هەولێر پێشمەرگەیەکی سەر بە یەکەی 80 لەنێو ماڵەکەی خۆیدا لە قەزای بنەسڵاوە خۆی کوشت.
بەپێی زانیارییەکانی (تۆڕی میدیایی رووداو) پێش نیوەڕۆی ئەمڕۆ چوارشەممە 29-7-2020 پێشمەرگەیەک بەناوی (ئامانج خەلیل)، کە تەمەنی 35 ساڵە، خێزاندارە و چوار منداڵی هەیە لە ماڵەکەی خۆیدا لە قەزای بنەسڵاوە خۆی کوشتووە.
هەر بەپێی زانیارییەکانی رووداو هەر دوای رووداوەکە تیمێکی بنکەی پۆلیسی بنەسڵاوە گەیشتوونەتە شوێنی رووداوەکە و تەرمەکەیان ناردووە بۆ پزیشکی دادی هەولێر.
پیاوەکە پێشمەرگەی سەر بە یەکەکانی 80 بووە و کاری ئاسنفرۆشیشی کردووە، دوای رووداوەکە پۆلیسی قەزای بنەسڵاوە پەڕاوی لێکۆڵینەوەی بۆ رووداوەکە کردەوە و هێشتا هۆکاری خۆکوشتنەکەی نەزاندراوە و لێکۆڵینەوەش لە رووداوەکە بەردەوامە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ