ئەو ژن و پیاوەی لە کەرکووک بەهۆی لێچوونی گازەوە گیانیان لەدەستدا
رووداو دیجیتاڵ
گوتەبێژی پۆلیسی کەرکووک دەڵێت، درەنگی شەوی رابردوو، ژن و پیاوێکی بەتەمەن بەهۆی لێچوونی گازی ماڵەکەیانەوە گیانیان لەدەستداوە.
رۆژی پێنجشەممە 20-04-2023، عامر نووری، گوتەبێژی پۆلیسی کەرکووک بە تۆڕی میدیایی رووداوی گوت، درەنگی شەوی رابردوو، نزیک کاژێر 12:00 ژن و پیاوێکی بەتەمەن بەهۆی لێچوونی گازی ماڵەکەیانەوە لە خەودا گیانیان لەدەستداوە.
ئەو ژن و پیاوە، وەک گوتەبێژی پۆلیسی کەرکووک دەڵێت، بەتەنیا ژیاون و وادیارە بیریان چووەتەوە گازی ماڵەکەیان بکوژێننەوە، بۆیە درەنگی شەو بەهۆی لێچوونی گازەوە گیانیان لەدەستداوە.
پۆلیسی کەرکووک دەڵێت، درەنگی شەوی رابردوو، ئەم ژن و پیاوە بەتەمەنە، بەهۆی لێچوونی گازی ماڵەکەیانەوە گیانیان لەدەستداوە. "وادیارە بیریان چووە گازەکە بکوژێننەوە" pic.twitter.com/6FccVRfh5Q
— Rudaw (@Rudawkurdish) April 20, 2023
بەگوتەی عامر نووری، رووداوەکە لە گەڕەکی ئەسرا و مەفقودینی شاری کەرکووک روویداوە. ژن و پیاوەکە کوردن، ژنەکە تەمەنی 71 ساڵ و هاوژینەکەی تەمەنی 73 ساڵە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ