رووداو دیجیتاڵ
مووچەی مانگی نیسانی لیوا هاوبەشەکانی سەر بە وەزارەتی پێشمەرگە، کە بڕیار بوو ئەمڕۆ دابەشبکرێت، بۆ رۆژی پێنجشەممەی داهاتوو دواخرا.
بڕیاربوو ئەمڕۆ سێشەممە 02-05-2023 مووچەی لیوا هاوبەشەکانی سەر بە وەزارەتی پێشمەرگە دابەش بکرێت، بەڵام بەگوێرەی زانیارییەکانی رووداو، دابەشکردنی مووچەکانیان بۆ رۆژی پێنجشەممە 04-05-2023 دواخراوە.
ویلایەتە یەکگرتووەکانی ئەمریکا مانگانە 20 بۆ 25 ملیۆن دۆلار بۆ مووچەی پێشمەرگە دەنێرێت، ئەو پارەیەش بۆ 13 لیوایە و نزیکەی 30 هەزار پێشمەرگە لێی سوودمەند دەبن.
بەپێی زانیارییەکانی رووداو دواکەوتنی دابەشکردنی مووچەی لیوا هاوبەشەکان بۆ ئەوەیە لەهەموو پارێزگاکان لە یەک کاتدا دابەشبکرێت، چونکە ئەمڕۆ پارە دەگاتە سلێمانی و سبەی بەسەر بانکەکان دابەشدەکرێت، رۆژی پێنجشەممە لە سەرجەم پارێزگاکان پارە لە بانکەکان بەردەست دەبێت و مووچەکە دابەشدەکرێت.
لە کۆی نزیکەی 170 هەزار پێشمەرگە، نزیکەی 44 هەزار پێشمەرگە لە چوارچێوەی 15 لیوای هاوبەشدا لەژێر چەتری وەزارەتی پێشمەرگە رێکخراونەتەوە. هەر لیوایەکیش لە چوار فەوجەوە کراوەتە سێ فەوج.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ