گەشتیارێکی زۆر بۆ جەژن روویان لە شاری ئامەد کردووە.
رووداو دیجیتاڵ
لە رۆژانی جەژندا گەشتیارێکی زۆر روویان لە ئامەد کردووە، شەقام و خانە مێژووییەکانی شارەکە پڕ بوون لە گەشتیار.
سێڤجان بۆزداغان، یەکێکە لە گەشتیارەکان و باس لەوە دەکات، "یەکەم رۆژی جەژن هاتینە دیاربەکر، زۆر خۆشە! بۆ هەمووان پێشنیاز دەکەین، زۆر بەدڵمانە و خەڵکەکەشی زۆر گەرم و گوڕن".
ئامەد، بە جگەرە بە تام و چێژەکەی ناسراوە. بەگوێرەی ئاماری دەستەی میوانخانە و خواردنگەکانی ئامەد، پار لە سێ رۆژی جەژندا، 15 تۆن جگەر خوراوە.
جگەری ئامەد، بە فەرمیی لەلایەن حکومەتی تورکیاوە وەک براندێک تۆمارکراوە.
عەلی ئەر، گەشتیارێکی دیکەیە و دەڵێت، "لەکاتێکدا هەمووان رۆیشتنە زێدی خۆیان، ئێمە دیاربەکرمان هەڵبژارد. زۆر حەزی پێدەکەین و وەکو زێدی دووەمی خۆمان دەیبینین. کاتێک دێیتە دیاربەکر، نابێت جگەر نەخۆیت".
بەشێک لەو گەشتیارانە لە نێوخۆ و بەشێکیش لە وڵاتانەوە، زووتر روویان لە ئامەد کردووە بۆ ئەوەی لەوێ جەژن بکەن. ئەمە جموجۆڵی باشی لە بازاڕی ئامەد دروستکردووە.
حیکمەت ئارڤاس، شێفی شیرینییە و لەبارەی هاتنی گەشتیارانەوە ئاماژە بەوە دەکات، "لە رۆژی عەرەفەوە قەرەباڵخییەکی زۆر هەبوو. ئەمڕۆش ژمارەیەکی زۆر لە گەشتیارانی خۆماڵی لێرەن. لە بەیانییەوە بڕێکی زۆر شیرینیمان فرۆشتووە".
بەگوێرەی ئاماری حکومەتی تورکیا، پار ملیۆنێک و 100 هەزار گەشتیار سەردانی ئامەدیان کردووە؛ ئەم ساڵ چاوەڕێی زیاتر دەکرێت.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ