هەڵەیەک روویدا! دووبارە هەوڵبدە
هاونیشتمانییەک بۆ رووداو باسی شەڕەکە دەکات
رووداو دیجیتاڵ
شەڕ و پێکدادانی سەخت پێشنیوەڕۆی ئەمڕۆ لە دەڤەری نهێلی روویدا، شاهێدحاڵێک بە روودای راگەیاند، تورکیا بە چەکی قورس ناوچەکەی بۆردوومان کردووە.
بەگوێرەی چەند گرتەیەکی ڤیدیۆیی کە بۆ رووداو نێردراون، شەڕێکی سەخت لە نزیک گوندەکانی بەلاڤە، گوهەرزێ، بەرچێ، سەرگەلێ و سگێری سەر بە ناحیەی دێرەلووکی قەزای ئامێدی روویداوە.
فایەق بلاڤەیی، دانیشتوویێکی گوندی بلاڤەیە لە دەڤەری نهێلی بە رووداوی راگەیاند، شەڕەکە بە دووری کەمتر لە کیلۆمەترێک لە گوندەکەیان روویداوە. ئاماژەی بەوەش کرد، لە بۆردوومانەکەدا چەکی قورس بەکارهاتووە "و بۆردوومانەکە زۆر سەخت بوو."
بە گوتەی ئەو هاونیشتمانییە. ئەوان لە گوندەکەیان گیریان خواردووە و بەهۆی شەڕی پەکەکە و تورکیا، ناتوانن 100 مەتر دووربکەونەوە.
هاونیشتمانییەکە باسی لەوە کرد، بەردەوام شەڕ لە نزیک گوندەکەیان هەیە کە ژیانی سەخت کردووە، بەجۆرێک "ژیان نەماوە، کە گوندەکانمان بەرەو چۆڵبوون دەچن."
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ