لیژنەی پەیوەندییەکانی دەرەوەی پەرلەمانی ئەڵمانیا: دەمانەوێت هەرێمی کوردستان بە بەهێزی بمێنێتەوە

 

یورگین تریتن، گوتەبێژی لیژنەی پەیوەندییەکانی دەرەوەی پارتی سەوزەکان لە هەڤپەیڤینێکی تایبەتدا لەگەڵ رووداو کە ئاڵا شاڵی لەگەڵی ئەنجامی دا، رایگەیاند، پەیوەندییەکی مێژوویی لەنێوان ئەڵمانیا و هەرێمی کوردستاندا هەیە. لەبارەی دۆخی عێراق و پێگەی هەرێمی کوردستانیش لە بەغدا دەڵێت، لە بەرژەوەندیی هەموو لایەکە عێراق لاواز و ناسەقامگیر نەبێت، پێویستە هەولێر و بەغدا ناکۆکییەکانیان لەگەڵ یەکتردا یەکلایی بکەنەوە، چونکە "ئێمە دەمانەوێت هەرێمی کوردستان ناوچەیەکی بەهێز و ئاوەدان بێت لەوێ."

 

گوتەبێژی لیژنەی پەیوەندییەکانی دەرەوەی پارتی سەوزەکان لە پەرلەمانی ئەڵمانیا باسی لەوەش کرد، وڵاتەکەی هاوکاریی زۆری کوردانی ئێزدی کردووە و لە رێگەی بەرنامەیەکی تایبەتەوە رێگەی دا دەیان کوردی ئێزدی بچنە ئەڵمانیا. گوتیشی، هاوکارییەکانی ئەڵمانیا بۆ کوردانی ئێزدی بەردەوام دەبێت.

 

 

 

یورگین تریتن: زۆر گرنگە، چونکە ئێمە لە مێژە مێژوویەکی هاوبەشمان لەگەڵ کوردستانی عێراق وەک ئەڵمانیا هەبووە، حکومەتی دەوڵەتی سەوز و سوور لە هەرێمی نیدەرساکسن و نۆردڕاین- ڤێستفاڵن هەبووە لەو کاتەدا بە فەرمی هەموو عێراق لە ژێر دەسەڵاتی سەدام حوسێندا بوو، لەگەڵ حکومەتی هەرێم لەوێ لەگەڵ بەڕێز بارزانی لەگەڵ بەڕێز تاڵەبانی و لایەنەکانی ئەوێ دەستمانکرد بە کارکردن پێکەوە و هاوکاریمان کردن و هەندێک کاری گەشەپێدانیان کرد. پێموایە دەربڕینی سەردانەکەی سەرۆک بارزانی هاوکات دەربڕینی پەیوەندییە باشەکانی نێوان کۆماری فیدراڵیی ئەڵمانیا و باکووری عێراقە. 

 

 

یورگین تریتن: لە بەرژەوەندیی هەموو لایەکە کە عێراق لاواز و ناسەقامگیر نەبێت. لەڕاستیدا لە چەند مانگی رابردوودا پێشهاتی تاڕادەیەک ئەرێنی روویداوە تائەو شوێنەی پەیوەندی بە رۆڵی عێراقەوە هەیە لە تەواوی ناوچەکە، مرۆڤ دەبێت بڵێت ئیدیعای چینییەکانە گوایە نێوەندگیرییان کردووە لە نێوان سعودیە و ئێران، بەڵام لە راستیدا دەستپێشخەرییەکە لەم پرۆسەیە لەڕێگەی عێراقەوە بووە. بەم مانایە پێموایە، بەم رۆحەوە پێویستە حکومەتی هەرێم و حکومەتی فیدراڵی ناکۆکییەکانیان لەگەڵ یەکتردا یەکلایی بکەنەوە، چونکە روونە کە ئێمە نامانەوێت یەکپارچەیی خاکی عێراق بخەینە ژێر پرسیارەوە، بەڵام ئێمە دەمانەوێت هەرێمی کوردستان ناوچەیەکی بەهێز و ئاوەدانبێت لەوێ. ئەوە روونە دەزانین ئەگەر کێشەکان چارەسەر نەکرێن، فۆرمی بەشداریکردنی  حکومڕانی بە گشتی سەرکەوتوو نەبێت، دەبێتە هۆی ناسەقامگیری و ئەنجامەکەی تیرۆرە.

 

 

یورگین تریتن: ئەمە دوو پرسیار لەخۆدەگرێت، یەکەم ئایا داعش کۆتایی هاتووە، نەخێر، داعش هێشتا مەترسییە، بەڵام ئەگەر کێشەکان چارەسەر نەکرێن و فۆرمی بەشداریکردنی حوکمڕانی بە گشتی سەرکەوتوو نەبێت، ئەوە دەبێتە هۆی دووبارە بووژاندنەوەی داعش. لەلایەکی دیکە دەبینین لە هەرێمی کوردستان ئەو کێشەیە نییە، بۆیە پێکەوە کار دەکەین پەیوەندییەکی بەهێزمان هەیە، بەڵام لێرەدا دەبێت بڵێم لە کوردستانی عێراقدا دەبێت حوکمڕانی بەشدارانە هەبێت، بەدەرکردنی هێزە سیاسییەکانی دیکە، دابەشکردنی وڵات لە نێوان گرووپە بەرژەوەندییە جیاوازەکاندا سیاسەتێکە نابێت بەردەوام بێت.

 

 

یورگین تریتن: وەک پێشتر ئاماژەم پێدا، پەیوەندیی باش لەنێوان پارتەکانی هەرێمی کوردستانی عێراق و سەوزەکان هەیە، سەردەمی حکومڕانی دەوڵەتی سوور-سەوز و سەوز- بزوێنەر بوون و یارمەتیدەر بوون لە دەستپێکەوە لە دروستکردنی فۆرمی بنیاتنانی حکومەتێکی هەرێمیی ئوتۆنۆم، بێگومان دەمانەوێت هاوکاری بەم رۆحەوە بەردەوام بێت لەگەڵ کوردستان، بەڵام ئەمەش لەسەر ئەو بنەمایە روودەدات کە حوکمڕانییەکی باش بەبێ دوورخستنەوە و بەبێ زیندانیی سیاسی و هەروەها پاراستنی ئازادیی رادەڕبڕین. 

 

 

یورگین تریتن: ئێمە هاوکاریی جیاوازمان پێشکێش بە ئێزدییەکان کرد، یەکەم ژمارەیەکی زۆری ئێزدی کە نەیانتوانی چیدیکە لەوێ بژین، لە رێگەی بەرنامەیەکی تایبەتەوە هێنرانە ئەڵمانیا، هەروەها لەلایەکی دیکەوە بەردەوام دەبین لە پشتیوانیکردنی ئەو کەسانەی لەوێ دەژین لە رێگەی یارمەتییە مرۆییەکان و، بێگومان هاوکارییەکانمان بەردەوام دەبێت.