کۆمەڵەی دڵ لە ئەمریکا پێنج خۆراک پێشنیازدەکات کە تەندروستیی دڵ باشتردەکەن

 

کۆمەڵەکە ئاماژە بەوەدەکات، خواردنی خۆراکی تەندروست هەنگاوێکی گەورەیە کە دەتوانیت بگیرێتەبەر بۆ پاراستنی تەندروستیی دڵ.

 

 

- زەیتی زەیتون؛ یارمەتی دابەزاندنی چەوریی خراپ LDL دەدات و چەوریی باش HDL  بەرزدەکاتەوە.

 

- خۆراکە دانەوێڵەییەکان؛ دەوڵەمەندن بە ریشاڵ و ترشە ئەمینییە گرنگەکان، یارمەتیی پاراستنی خانەکان دەدەن، کۆلیسترۆڵ و پەستانی خوێن دادەبەزێنن.

 

- فاسۆلیا؛ بڕێکی زۆر ریشاڵی تێدایە، یارمەتی جەستەت دەدات ئاستی کۆلیسترۆڵی تەندروست بپارێزێت و ئەگەری تووشبوون بە نەخۆشییەکانی دڵ کەمدەکاتەوە.

 

- گوێز؛ بڕێکی زۆر ترشی ئەلفا لینۆلینیکی تێدایە، کە دەگۆڕێت بۆ هەندێک جۆری ترشی چەوری ئۆمێگا 3، ئەویش چەوری ترایگلیسیرید لە جەستەدا کەمدەکاتەوە. 

 

- سەلەمون؛ دەوڵەمەندە بە ئۆمێگا 3 و ڤیتامین B6 کە مەترسیی تووشبوون بە نەخۆشییەکانی دڵ و خوێنبەرەکان و جەڵتەی مێشک کەمدەکەنەوە.