رووداو - تەندروستی
چارەسەرکارێکی دەروونی ئاشکرای دەکات، پەیوەندیی دەروونیی نێوان دایک و منداڵ هەر لە تەمەنی ساوایەتیەوە، دەستنیشانی دۆخی دەروونیی منداڵەکە دەکات و کەسایەتیی دیاریدەکات.
پۆدکاستی نەخۆشنامەی ئەمجارە تایبەتە بە کاریگەرییەکانی پەیوەندییە کۆمەڵایەتییەکان لەسەر دەروونی منداڵ و دکتۆر هونەر رێبوار کە پێشکشێکاری پۆدکاستەکەیە لەگەڵ میوانەکەی کۆچەر خۆشناو، چارەسەرکاری دەروونی باسی بابەتەکە دەکەن.
کۆچەر خۆشناو، چارەسەرکاری دەروونی دەڵێت: دەبێت هەمیشە لە کردن و نەکردنی کارێک روونکردنەوە بە منداڵ بدرێت لەلایەن دایبابەوە، ئامانجیش لەمە باشتر پەروەردەکردنە و رێگریکردنی بوون بە کەسایەتییەتی لاوازی منداڵە.
هەر بۆیە پێشنیازدەکات، دایک و باوکان رێگە بە منداڵەکانیان بدەن بە دڵی خۆیان بڕیاربدەن، بەڵام دەبێت بە دروستی بڕیاربدەن و رێگەی دروستیان بۆ روونبکرێتەوە.
گوتیشی، کەسانێکی زۆر زیرەک و بەتوانا هەن کە خەڵک ئاواتیان پێوە دەخوازێت، بەڵام کەسایەتییەکی لاوازیان هەیە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ