رووداو - تەندروستی
وەزارەتی تەندروستیی ئەمریکا رایدەگەیێنێت، لەگەڵ هاتنی وەرزی پایز و ئەگەری دووبارە بڵاوبوونەوەی شەپۆلێکی دیکەی کۆرۆنا پشکنینی خۆڕایی کۆرۆنا لە کۆتایی مانگی ئەیلوول بەردەستدەبێت.
وەزارەتی تەندروستیی ئاماژە بەوەدەکات، هەر خێزانێک مافی ئەنجامدانی چوار پشکنینی خۆڕاییان هەیە و دەتوانن تاوەکو کۆتایی وەرزی سەرما لە هەر کاتێک داوای ئەنجامدانی پشکنینەکە بکەن.
دکتۆر، ماندی کۆهێن، بەڕێوەبەری ناوەندی کۆنتڕۆڵ و پێشگیریکردن لە ئەمریکا دەڵێت، ''پشکنینی کۆرۆنا دەتوانرێت لە ماڵەوە یاخود لە تاقیگەکان ئەنجام بدرێت و بە شێوەیەکی ئاسایی ئەنجامەکان لە ماوەی 30 خولەک دەردەچن''.
بەڕێوەبەری ناوەندەکە دەشڵێت، باشترین پلان ئەوەیە کە هەمووان بە وریاییەوە بمێننەوە، ڤاکسین وەربگرن و لە کاتی بوونی نیشانەکان پشکنین ئەنجامبدەن.
بە گوێرەی وەزارەتی تەندروستیی ئەمریکا، نوێترین ڤاکسینی کۆرۆنا ئێستا بەردەستە کە گۆڕاوە نوێیەکانی کۆرۆنا دەکاتە ئامانج.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ