توێژینەوەیەک: رەبۆ توانای دووگیانبوون کەمدەکاتەوە و لەبارچوون زیاددەکات

 

توێژینەوەکە ئاماژە بەوەدەکات، ئەو خانمانەی نەخۆشیی رەبۆیان هەیە، ئەگەری لەبارچوونی کۆرپەلەکەیان بە ڕێژەی 17% زیاترە بەراورد بەو خانمانەی کە تووشبووی رەبۆ نین. 

 

دکتۆر ئان هانسن، سەرپەرشتیاری توێژینەوەکە دەڵێت، "کاریگەری رەبۆ لەسەر منداڵبوون و دووگیانی رەنگە پەیوەندی بە هەوکردنی سیستمییەوە هەبێت لە جەستەدا، ئەو خانمانەی تووشبووی رەبۆن و کێشەی منداڵبوونیان هەیە، پێویستە قسە لەگەڵ پزیشکی پسپۆڕ بکەن".

 

بەگوێرەی مایۆکلینیک، رەبۆ نەخۆشییەکی درێژخایەنی سییەکانە، نیشانەکانی بریتین لە خیزەی سینگ، هەناسەتەنگی، کۆکەی وشک، قورسیی هەناسەدان، ئازاری سینگ و تووندیی سینگ.