توێژینەوەیەک: تێکەڵکردنی کحول لەگەڵ خواردنەوە وزەبەخشەکان مێشک تێکدەدات

 

توێژینەوەکە لە زانکۆی کاتانیا بۆ ماوەی 35 رۆژ کرا و دەرکەوت، تێکەڵکردنی کحول لەگەڵ خواردنەوە وزەبەخشەکان فەرمانەکانی مێشک لاوازدەکات و ئەگەری تووشبوون بە لەبیرچوونەوە پێشدەخات.

 

گرانسێسکا بیگۆ، نووسەری سەرەکیی توێژینەوەکە دەڵێت: ''تێکەڵکردنی کحول لەگەڵ خواردنەوە وزەبەخشەکان کارێکی ترسناکە بۆ نەوجەوان و گەنجان، چونکە لە تەمەنێکی گەنجیدان و مێشکیان لە گەشەکردندایە، بۆیە زیاتر کاریگەریی لەسەریان دەبێت''.

 

گرانسێسکا بیگۆ دەشڵێت، نەوجەوان و گەنجان هیچ بڕێکی کحول نەخۆنەوە و خواردنەوە وزەبەخشەکانیش سنوورداربکەن، چونکە جەستەیان لە قۆناخێکی هەستیاری گەشەکردندان و هەر ناڕێکییەکیان تووشببێت ئەوا بە درێژایی ژیانیان گیرۆدەی دەبن.

 

ئەمە جگە لەوەی زانکۆی شاهانەی بەریتانیا پشتڕاستی دەکاتەوە، خواردنەوەی کحول لەنێو نەوجەوان و گەنجان دا هۆکارێکی سەرەکییە بۆ لاوازبوونی یادگە و پێشخستنی لەبیرچوونەوە، چونکە ئەگەری ناڕێکی لە گەشەکردنی خانەکانی مێشک زیاددەکات.