رووداو - تەندروستی
کۆمەڵەی نێودەوڵەتیی خەو کە پسپۆڕانی چەندان وڵات تێیدا بەشدارن رایدەگەیێنێت، بەکارهێنانی شاشەکان لەنێو شوێنی نووستن و پێش خەوتن، هۆکاری سەرەکییە بۆ خەوزان و کەمخەوی.
توێژینەوەیەکی کۆمەڵەی نێودەوڵەتیی خەو دەریدەخات، ئەو کەسانەی 30 بۆ 60 خولەک پێش خەوتنیان شاشەکان بەکاردەهێنن، ئەگەری خەوزڕان و دواکەوتنی خەولێکەوتنیان 59% زیاددەبێت.
د. گانگلید جۆنسن، پسپۆڕی خەو لە نەرویژ دەڵێت: هەر بەکارهێنانێکی مۆبایل و ئایپاد پێش خەوتن، ئەم کاریگەرییانەیان هەیە، بەبێ بایەخدان بە جۆری چالاکییەکەیە کە گەڕانە بەنێو تۆڕە کۆمەڵایەتییەکان یاخود نامە ناردنە.
بە گوێرەی دامەزراوەی خەو لە ئەمریکا، 28%ـی هاووڵاتییانی ئەمریکا کێشەی خەوتنیان هەیە، هەروەها دامەزراوەکە رایدەگەیێنێت، خواردنی خۆراکی تەندروست و راهێنانی رۆژانە هۆکاری سەرەکیی باشترکردنی خەون.
د.کێڵسی کونیک، پسپۆڕی خۆراک لە ئەمریکا دەڵێت، خۆراکەکانی وەکو 'گوێز، شۆفان، فستق و ماسی سەلەموون' یارمەتیدەرن بۆ خەوێکی تەندروست و خۆش.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ