دیزاینەرانی براندی شانێل دەمامکی جۆراوجۆر بەرهەمدێنن

 

سەرپەرشتیارانی براندی شانێل و دیۆر رایانگەیاند، کە هەموو کارگەکانیان خستووەتە کار بۆ ئەوەی دەمامکی جۆراوجۆر دروست بکەن و زوو بیانخەنە بازاڕەوە، چونکە خانمان لەسەردەمی کۆرۆناش دەیانەوێت بەشێوەیەکی جوان دەربکەون.

 

 هاوکات بەشێک لەو دەمامکانە بەبێ بەرامبەر پێشکەش بە دەزگا ئەمنییەکان و ئەو کەسانەی کاری خێرخوازی دەکەن و کەلوپەلی خواردن بۆ ماڵەکان دەگوازننەوە دەکرێت، حکومەتی فەرەنساش راگەیاندووە، کە پێویستیان بە ملیارێک دەمامکە بۆ وەزارەتی تەندروستی، چونکە هەفتانە 40 ملیۆن دەمامک بەکاردەهێنن، بۆیە بەشێک لە براندەکان بە دەنگ بانگەوازەکەی حکومەتەوە چوون و دەمامک دروست دەکەن و بەبێ بەرامبەر دەبەخشنە وەزارەتی تەندروستی و ناوخۆ.

 

براندی شانێل، زیاتر لە 8500 کرێکاری و کارمەندی لە فەرەنسا هەیە، ئێستا هەموویان لەسەرکارن و ئیش و کاری براندەکە جێبەجێ دەکەن، هەرچەندە بەهۆی بڵاوبوونەوەی ڤایرۆسی کۆرۆنا، هەموو کارگەو شوێنە بازرگانییەکان داخراون، بەڵام شانێل بەردەوامە لە کارکردن و تەنیا دەمامک بەرهەمدەهێنێت.