رووداو دیجیتاڵ
لە تورکیا و باکووری کوردستان نرخی یەک لیتر گازوایل یەک لیرە و 55 قروش بەرز کرایەوە، بڕیارەکەش لە ئەمڕۆ هەینییەوە خرایە بواری جێبەجێکردنەوە.
بەو نرخە نوێیە، لیترێک گازوایل لە ئیستەنبووڵ بە 33 لیرە و 87 قروش، لە ئەنقەرە بە 34 لیرە و 35 قروش و لە ئیزمیر بە 34 لیرە و 53 قروش دەفرۆشرێت.
نرخی گازوایل لە 14ـی ئایاردا کە هەڵبژاردنەکانی تورکیا تێیدا بەڕێوەچوو، 18 لیرە و 58 قروش بوو. دوای هەڵبژاردنەکان و لە ماوەی دوو مانگدا نرخەکەی 82% بەرزبووەتەوە.
لە دوای هەڵبژاردنەکانی سەرۆکایەتی و پەرلەمانی تورکیا لە 14 و 28ـی ئایاری ئەمساڵدا، هاوتەریب لەگەڵ لاوازبوونی بەهای بەرامبەر دۆلار و دراوە بیانییەکان، نرخی سووتەمەنیش بەردەوام لە بەرزبوونەوەدایە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ