رووداو دیجیتاڵ
دوای چەند رۆژێک لە جێگیربوونی بەهای دینار بەرامبەر دۆلاری ئەمریکی، ئەمڕۆ بەهای دینار زیاتر دابەزی و لە کاژێر 14:30 خولەک، بەهای 100 دۆلار بەرامبەر 155 هەزار و 800 دینارە.
رۆژی دووشەممە 11ـی ئەیلوولی 2023 کاژێر 14:30 خولەک، حاجی سابیر باواجی، ئەندامی ئەنجوومەنی بازاڕی ئاڵوگۆڕی دراو لە هەولێر بە تۆڕی میدیایی رووداوی گوت، "ئەمڕۆ بەهای دینار زیاتر دابەزی و 100 دۆلار بە 155 هەزار و 800 دینار مامەڵەی پێوەدەکرێت".
ئێوارەی دوێنێ 100 دۆلار بە 154 هەزار و 750 دینار مامەڵەی پێوەکرا. حاجی سابیر دەڵێت، "بانکی ناوەندیی عێراق دوێنێ تەنیا 26 ملیۆن دۆلاری بە نەختی فرۆشت. بڕەکە کەمە و دۆلار بەراورد بە خواست لە بازاڕدا کەمە، ئەوەش هۆکاری سەرەکیی دابەزینی بەهای دینارە".
هاوکات لە بازاڕی دۆلارەکەی سلێمانی 100 دۆلار بە 155 هەزار و 800 دینارە.
بانکی ناوەندیی عێراق رۆژانە 100 دۆلار بە 131 هەزار دینار دەفرۆشێت، بەڵام نەیتوانیوە بەهای دینار لە بازاڕەکاندا بەرامبەر دۆلار جێگیر بکات.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ