رووداو دیجیتاڵ
بەراورد بە دوێنێ، ئەمڕۆ بەهای دینار بەرزبووەوە و 100 دۆلار بە 157 هەزار و 700 دینار دەفرۆشرێت. هاوکات 100 دۆلار بەرامبەر 5 ملیۆن و 200 هەزار تمەنە.
نیوەڕۆی ئەمڕۆ دووشەممە، 20-11-2023، حاجی سابیر باواجی، ئەندامی ئەنجوومەنی گۆڕینەوەی دراو لە هەولێر بە تۆڕی میدیایی رووداوی گوت، 100 دۆلار بە 157 هەزار و 700 دینار دەفرۆشرێت.
هاوکات لە بازاڕی دۆلارەکەی سلێمانی، 100 دۆلار لەنێوان 157 هەزار و 700 بۆ 157 هەزار و 800 دیناردا مامەڵەی پێوە دەکرێت.
دوێنێ لەکاتی کردنەوەی بازاڕەکاندا، 100 دۆلار بە 158 هەزار و 250 دینار دەفرۆشرا.
لەبارەی بەهای تمەنی ئێرانییەوە، حاجی سابیر گوتی، ئەمڕۆ 100 دۆلار بەرامبەر 5 ملیۆن و 200 هەزار تمەنە.
بانکی ناوەندیی عێراق بەگوێرەی مەرجەکانی خۆی 100 دۆلار دەداتە 132 هەزار دینار، بەڵام نەیتوانیوە بەهای دینار بەرامبەر بە دۆلار جێگیربکات.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ