Hewlêr (Rûdaw) – Balyoza Amerîkayê ya Îraqê Alina Romanowskiyê ragihand ku Amerîkayê herî kêm nîv milyar dolar alîkarî daye Êzidiyan.
Alina Romanowskiyê li ser hesabê xwe yê Xê peyamak belav kir û behsa alîkariyên ku Amerîkayê danê Kurdên Êzidî kir.
“Amerîkayê herî kêm nîv milyar dolar alîkarî daye”
Romanowskiyê amaje pê kir ku Amerîka dixwaze pêkhateyên dînî û etnîk yên li Îraqê biparêze û got:
“Amerîkayê ji sala 2018an ve herî kêm nîv milyar dolar alîkarî daye da ku Êzidî û kesên din ên ji DAIŞê rizgarbûne biparêzê.
Ev bi armanca xurtkirina pirrengiya dînî û neteweyî, başkirin û jinûveavakirina civakan hatiye kirin.”
#هل_تعلم بأنه منذ عام 2018، قدمت الولايات المتحدة أكثر من 500 مليون دولار لدعم الإيزيديين وغيرهم من الناجين من داعش؟ وذلك لتعزيز التعددية الدينية والعرقية في العراق وسعياً لمساعدة هذه المجتمعات على التعافي واعادة بناء نفسها. لمزيد من المعلومات، اضغط على الرابط:…
— Ambassador Alina L. Romanowski (@USAmbIraq) August 15, 2024
DAIŞê 3yê Tebaxa 2014an êrişî Şingalê kir û komkujiyeke hovane kir.
Li gorî amarên Ofîsa Rizgarkirina Revandiyan, ji ber êrîşa DAIŞê, zêdetir ji 325 hezar Kurdên Êzidî ji Şingalê û derdora wê koçberî Herêma Kurdistanê bûn û piraniya wan li Dihokê bi cih bûn, zêdetirî 100 hezar Kurdên Êzidî penaber bûn.
Vê komkujiya giran ev amar li pey xwe hiştin.
- 6 hezar û 417 jin û zarokên Êzidî hatin revandin
- Herî kêm 5 hezar Êzidî hatin kuştin
- 3 hezar û 469 Êzidî hatin windakirin
- Heta niha 50 gorên bikom hatine dîtin
- Heta niha 2 hezar û 948 jin û zarok hatine xelaskirin
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse