Dêbî Nûjen / Wêne û vîdeo: Rûdaw
Dusseldorf (Rûdaw) - Roja sêşema bê Dêbî Nûjena xwişka Oz û keça hunermendê karîkaturîst mamoste Nûjen dê li Stockholmê were veşartin.
Dêbî zêdetirî 25 salan e parêzereke Kurdistanî û Swêdî ya naskirî ye.
Ev demek bû nexweşiya penceşêrê pê re hebû û rojên borî li Almanyayê jiyana xwe ji dest da.
Ozê birayê wê yek ji komedyenên herî bibandor û naskirî yên Skandînavyayê ye.
Her dem gava ku li ser dika holên mezin ên şanoyê radiweste yan li ser ekrana televîzyonên Swêdê derdikeve, Oz li kêleka henek û gotinên xweş, doza Kurdistanê jî tîne bîra xelkê Swêdê.
“Valahiyeke bêsînor ket dilê min"
Oz derbarê xwişka xwe ya rehmetî bi kezebeke şewitî ji Rûdawê re got:
"Hest bi çi jî bikim êdî bê kêr e, sûd nake. Valahiyeke bêsînor û xemgîniyeke bêdawî ketin dilê min."
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse